Auðvaldspúkarnir í REI-svínastíunni

Þar kom það sem mig grunaði: Það voru nefnilega ekki réttu auðvaldspúkarnir sem fengu að gambla í REI-svínastíunni, að mati Hanezar Gizurarsonar og Davíðs í Seðlabankanum, svo þeir siguðu frjálhyggjuæskunni á Vilhjálm karlgreyið, með mun stórkostlegri árangri en þá vísu menn gat nokkurn tímann grunað. Svo er bara að bíða þangað til Samfylkingin varpar Sjálfstæðisflokknum á dyr í stjórnarráðinu. Þegar það verður um garð gengið, verður Sjálfstæðisflokksræfillinn svo gott sem valdalaus í hinu opinbera stjórnkerfi.

Gísli Marteinn: Milljarðar renna til manna sem stýrðu Framsóknarflokknum

Athugasemdir

[Þórdís Bára Hannesdóttir, 16.10.2007 kl. 19:35]

Þá verður hátíð í bæ.

[Jóhannes Ragnarsson, 16.10.2007 kl. 20:24]

Já Þórdís, ég er viss um að þjóðin yrði mjög fegin ef Sjáfstæðisflokkurinn hrökklaðist úr stjórnarráðinu. Reyndar er mjög nauðsynlegt að það gerist sem allra fyrst.

[Vilhjálmur Andri Kjartansson (IP-tala skráð) 16.10.2007 kl. 22:55]

Af hverju eru þið vinstrimenn alltaf að gera ykkur að sjálfkjörnum talsmönnum þjóðarinnar? Ég kaus Sjálfstæðisflokkinn og vil því ásamt mjög mjög stórum hluta þjóðarinnar hafa hann við völd, þetta er fjölmennasti flokkur landsins svo "þjóðið" yrði ekki öll sátt ef hann færi frá völdum. 

Eru þið kannski búin að gleyma því að ALDREI í sögu þjóðarinnar hefur fólk haft það jafn gott og á öllu þessu velmegnunarskeyði hefur Sjálfstæðisflokkurinn verið við völd. Gæti verið að það svíði sárast í sálum ykkar?