Samkynhneigð grefur um sig í skáldverki

Það er þokkaleg frammistaða hjá frú Rawlings, eða hitt þá heldur, að missa eina af potterpersónum sínum út í samkynhneigð. Hún getur engum öðrum en sjálfri sér um kennt, kerlíngarskauðið, að Albus hennar hafi gert bragð úr ellefta boðorðinu með því að gerast áttaviltur í kynlífinu. Annars getur svona lagað gerst á bestu bæjum eins og dæmin sanna. En þegarar skáldsagnafígúra gerist svo frek til fjörsins að koma æðandi út úr skápnum, að skapara sínum forspurðum, má segja að skörin hafi heldur en nokkuð færst upp í bekkinn. Það má því ljóst vera, að með þessu tiltæki Albusar hafi frú Rawlings vegið illilega að sjálfri sér úr launsátri og það svo mjög að nú er allt í uppnámi á Potterstöðum. Úr því sem komið er, verður frú Rawlings að gjöra svo vel að færa Gunnsa í Krossinum vandræðagepilinn Albus til afhommunar, því varla líður frúin persónum sínum að hella sér á kaf í kynvillu, án þess að sporna við fæti. Geri hún það ekki gæti svo farið, að jafnvel Harry litli smitaðist af þessum fjanda og þá væri ekki aftur snúið. 

Rowling hissa á miklum viðbrögðum við fregnum um samkynhneigð Dumbledores

Athugasemdir

[Þórgnýr Thoroddsen, 23.10.2007 kl. 23:20]

Já, það er nokkuð ljóst að samkynhneigð er mikið vandamál! (kaldhæðnishrollur)

[Sandra Dögg Guðmundsdóttir, 24.10.2007 kl. 08:53]

Af hverju má hann ekki vera samkynhneigður eins og hver annar?

[Jóhannes Ragnarsson, 24.10.2007 kl. 10:56]

Já Þórgnýr, þetta kvu vera orðið mikið vandamál. Þegar ég var ungur, einhverntímann á síðustu öld, þekktist svonalagað bara alls ekki.

Svo ég víki aðeins að spurningu Söndru Daggar, þá er því til að svara, að Albusi er full-leyfilegt að koma út úr eins mörgum skápum og honum þóknast, ef það er ekki skapara hans og höfundi ekki til ama. Hins vegar held ég að það hafi komið frú Rawlings í opna skjöldu að manngarmurinn skuli, eftir allt sem á undan var gengið, vera svona sinnaður. Þess vegna ku hún hafa fært í tal við nánustu vini og ættingja, hvort ekki væri tilhlýðilegt að senda þrjótinn til afhommunar hjá Gunnsa í Krossinum.