Bónus-Gummi fagnar og fagnar og fagnar

Auðvitað fagnar Gummi Marteins ,sveitungi minn, húsleit Samkeppniseftirlitsins í Bónus eins og hann hafi skorað úrslitamarkið í heimsmeistarakeppninni. Ekki er að efa, að þessi óforskammaða húsleit er fréttaflutningi Ríkisútvarpsins að kenna því ekki er við fréttaflutning Baugsmiðlana sð sakast því hann hefur enginn verið, að sjálfsögðu. Það er náttúrulega afleitt, að Bónusfeðgar og annað gott fólk af sama kalíberi, sem gert hafa meira fyrir láglaunafólk er öll verkalýðshreyfing heimsins samanlögð, skuli sæta slíkum kárínum af sínum eigin löndum. Og sannast hér hið fornkveðna, að gjarnan launar kálfur ofeldið með ofbeldi. Svo er bara að vona að snápar og snuðrarar Samkeppnisstofunuar finni ekki neitt misjafnt i bókum Bónusar og Krónu, því þá mun ljóst verða að markið sem Gummi Marteins skoraði við mikinn fögnuð var sjálfsmark. 

Samkeppniseftirlitið gerir húsleit hjá Bónus og Krónunni

Athugasemdir

[Fríða Eyland, 16.11.2007 kl. 23:20]

það er nú ekki amalegt Jói að bjóða ríkisstofnun í heimsókn, annars eru ríkisstarfsmenn þessir kurteis greyi gera alltaf boð á undan sér þegar þau kanna koma til að kanna vöruverð