Byltingartríóið, gaular í Keflavík í kvöld.

Nú er komið á daginn, að súperpúman Svandís í borgarstjórninni, hefur hlunkast á hliðina með að halda áfram dómsmáli sínu á hendur Orkuveitu Reykjavíkur. Uppgjöf sendiherradótturinnar, heitir náttúruega ekki uppgjöf á pappírunum, heldur ,,að leitað verði sáttar í dómsmáli." Nær væri að súperpúman stæði við kæru sína, til að fá dómsúrskurð um hvort rétt eða rangt var að málum staðið. En auðvitað rennur hún, þegar á reynir, blygðunarlaust á óæðri endann, enda krefst samtrygginarkerfi stjórnmálaflokkana þess. En fátt er svo með öllu íllt, því samkvæmt auglýsingum í dag, ætlar Svandís Sendiherradóttir að ösla galvösk suðrí Keflavík í kvöld og funda þar um orkumál ásamt Ögmundi umskiptingi og Atla fémínísta. Eflaust gerir þetta lagavissa byltingartríó stormandi lukku hjá þeim Útnesjamönnum, sem ég veit að eru skilningsríkir þegar leikendur í samtryggingarleikriti stjórnmálaflokkana bregða á leik, því þeir vita sem er, að það er ekkert að marka þetta lið og því síður þarf að trúa því.    

Lagt til að leitað verði sátta í máli Svandísar gegn OR

Athugasemdir

[Jóhannes Ragnarsson, 15.11.2007 kl. 19:15]

14.11.2007 : Tríóið ,,Ekkert að marka" þau Svandís, Ögmundur og Atli syngja og ræða um einkavæðingu almenningseigna

Opinn fundur um einkavæðingu almenningseigna verður haldinn í sal Verslunarmannafélagsins, Vatnsnesvegi 14, Reykjanesbæ fimmtudaginn 15. nóv. kl. 20.

Frummælendur:

Svandís Svavarsdóttir, borgarfulltrúi.

Ögmundur Jónasson, alþingismaður.

Fundarstjóri: Atli Gíslason, alþingismaður.

Allir velkomnir í umræðu um brýnt málefni.