Framúrskarandi skotvopn

Svona rafmagnsbyssur eru greinilega alveg ágætis verkfæri og til margra hluta nytsamlegar. Ég er ekki í nokkrum vafa um að þær henta t.d. vel við heimaslátrun og þegar gengið er til rjúpna.  Það liggur í augum uppi, að rjúpa skotin með rafurmagni er margfalt geðslegri til matar en rjúpa í henglum eftir haglaskot. Þá væri rafbyssa hreinasta afbragð fyrir fólk sem vill halda hundum og köttum nágrannanna frá lóðum sínum.  Að framantöldu má því ljóst vera, að rafmangsbyssum af þessari tegund á tvímælalaust að koma sem fyrst í almenna sölu um allt land.

Lést eftir að hafa verið skotinn með rafmagnsbyssu

Athugasemdir

[Ásthildur Cesil Þórðardóttir, 19.11.2007 kl. 12:47]

Segðu ekki spurning

[Greta Björg Úlfsdóttir, 19.11.2007 kl. 13:30]

Tek undir það með ykkur.  Gott að vera laus við höglin.

Minnist þess þegar ég var við störf á röntgendeildinni gömlu á Akureyrarspítala (FSA) hersu furðulega sjón (á röntgenmynd) var það magn af höglum sem ristlar og botnalangatotur sumra einstaklinga höfðu að geyma - varla hollt að ganga um með þvílíkar birgðir af blýi í sér.

Að maður tali nú ekki um títuprjónana sem kona ein bar innra með sér - við veltum því fyrir okkur hvort viðkomandi væri sísoltin eða sítalandi saumkona að atvinnu?