Ókræsilegur félagsskapur á Bessastöðum

Það var fremur ókræsilegur félagsskapur sem forseti Íslands boðaði til fundar við sig á Bessastöðum kl. 10:30 í morgun. Samkvæmt hefð er þessi samkoma kölluð ,,ríkisráðsfundur" en ætti, samkvæmt eðli stöðunnar í dag, að heita eitthvað annað, t.d. uppskafningamót eða eitthvað í þá veruna. Ég vil meina að það sé ekki samboðið íslenskri þjóð að hina svokölluðu ,,ríkisráðsfundi" sitji fólk eins og Guðlaugur Þór Þórðarson, Össur Skarphéðinsson, Einar Kr. Guðfinnson, Árni Matthísen, Björgvin Sigurðsson, Þorgerður Katrín Gunnarsdóttir, Kristján Möller og Björn Bjarnason. Það er, þegar alls er gætt, ekkert gamanmál fyrir almenning að sitja uppi með annan eins ruslahaugamat og ríkisstjórn Íslands er. 

Ríkisráðsfundur á Bessastöðum

Athugasemdir

[Þórbergur Torfason, 31.12.2007 kl. 16:42]

Jói, kallarðu "Þingvallabandalagið" ruslahaugamat? Finnst þér ekki nær að td. stóra barnið í samgönguráðuneytinu ljúki leikskólagöngunni áður en hann fer á haugana. Annars virðist breytinga að vænta í hópnum. Geir ætlar að henda út restinni af Davíðsstjörnunni, þe. Birni. Verður Mattinn ekki að fylgja? Er hann ekki einn angi stjörnu Davíðs?

Annars gleðilegt nýár og takk fyrir margar góðar athugasemdir á árinu sem er að líða.