Vængjaróttækni

Í frétt á mbl.is er sagt frá ,,róttækum" framvæng á nýjum kappakstursbíl. Í framhaldi af því vakna eftirfarandi spurningar: Hvernig geta vængir verið róttækir?  Á hvaða rótum taka þeir? Hefur ,,róttæki" kappakstursvængurinn máske sjálfstæðan vilja og vill gjörbreyta einhverju frá rótum?

BMW prófar róttækan framvæng með hornum

Athugasemdir

[Ágúst Ásgeirsson, 22.1.2008 kl. 21:16]

Gerbreyttur vængur mætti segja. Róttæknin felst í því að farin er all nýstáraleg leið við hönnun vængsins og frágang. Í því felst róttæknin. Hann er verulega frábrugðin þeim fyrri, er breytt frá rótum. Víst hefur vængur formúlubíls vilja en hann fær í sjálfu sér engu breytt umfram það verkefni sem hönnuðurnirhafa úthlutað honum.

Vonandi bætir þessi útskýring fréttina eitthvað.

[Jóhannes Ragnarsson, 22.1.2008 kl. 21:30]

Mig grunaði reyndar að það hefðu fremur verið hönnuðurnir sem gerst höfðu róttækir, en ekki vængurinn sjálfur. 

[Fríða Eyland, 24.1.2008 kl. 01:42]

Mjög athyglisvert eða þannig, karlarnir í bíló Merkilegt hvað kemst í fréttirnar endlausar ekkifréttir af "stjörnum" hvað þær eru ruglaðar og einnig hvaða bækur þær fengu í jólagjöf" smærri stjörnur t.d. fjölmiðlafólk"

Annars er þessi málnotkun aðeins til þess fallinn að rýra gildi hugtaksins rótækt/   oftast er nú aðeins huglægari merking lögð í orðið en þú gerir, þú túlkar og líkir við jólatré. Er það nú ekki dálítið rótækt ?