Hristingur úr tréspíritusi og drottningarpissi

Hún er gamansöm stúlka hún Steinunn Valdís og framúrskarandi gríðarlegur stjórnmálaskörungur. Til marks um kæti hennar og skörungsskap er þingsályktunartillaga hennar um ,,breytt starfsheiti ráðherra sem bæði kynin geta borið." Annað dæmi um órabelgshátt hennar er að finna í meðfylgjandi frétt, en þar segir hún án þess að stökkva bros, að það sé við ,,hæfi" að málatilbúnaður hennar um starfsheiti ráðherra sé ræddur á Alþingi. Mér er þó nær að halda að kerlíngarólánið sé galið því ekki þarf hún að kvíða því að hún þurfi nokkurntímann að tilheyra þeirri hvimleiðu manntegund ráðherra. Þingmaður að nafninu til verður hennar hlutskipti pólitíska lífinu. 

Annars er svosem ekki við öðru að búast úr þessari átt: Einstaklingur sem er uppfullur af krataeðli og yfirstéttarfémínísma getur aðdrei orðið barn í brók. Það er svona álíka gáfuleg blanda og hristingur úr tréspíritusi og drottningarpissi.

Örlítill angi af kvennabaráttunni

Athugasemdir

[Ingibjörg Friðriksdóttir, 4.2.2008 kl. 20:16]

Veistu ekki að Steinka Valdís, er gift inn í Framsóknarflokkinn og á því framtíðina fyrir sér

[Jóhannes Ragnarsson, 4.2.2008 kl. 20:47]

Jú, ég veit að blessunin er gift inn í Framsóknarflokkin, en ekki vænkast hagur Strympu við það svo nokkru nemi, þó ekki væri nema fyrir þá sök að Framsóknarflokkurinn á ekki framtíðina fyrir sér.

[Ingibjörg Friðriksdóttir, 4.2.2008 kl. 20:56]

Ekki  vera með svona hrakspár, heldur þú virkilega að Madamman drepist eins og SÍS frændi?

[Jóhannes Ragnarsson, 4.2.2008 kl. 21:05]

Hún er þegar lögst banaleguna, kerlíngarrörið, og á fátt annað eftir en að taka síðustu andvörpin svo hægt sé að flytja hana í líkhúsið. Það held ég verði nú féleg sjón að sjá gömlu maddömuna andaða inni í frystiklefa með spjald á annarri stótutánni.

Og ekki verður dánartilkynningin síðri: Látin er í Reykjavík amma okkar, Framsóknarmaddaman. Útförin auglýst síðar. Fyrir hönd aðstandenda, Finnur Ingólfsson, Ólafur Ólafsson, Halldór Ásgrímsson.

[Ingibjörg Friðriksdóttir, 4.2.2008 kl. 22:01]

Óli Óla er íhald, hélt ég að þú vissir.  Nema að þú sért að tala um Óla kaupfélagsstjóra.

En við mætum saman í útförina Jóhannes.

[Jóhannes Ragnarsson, 4.2.2008 kl. 23:20]

[Ingibjörg Friðriksdóttir, 5.2.2008 kl. 08:41]

Erum við afturí í feluleik?