Frjálshyggjudrengirnir Ágúst Óláfur og Mángi Stef

Það var fróðlegt að fylgjast með stuttbuxnadeild Sjálfstæðisflokksins við upphaf þingfundar Alþingis í dag. Þar fóru fremstir flokki frjálhyggjubörnin Birgir Ármannsson og Sigurður Kári Kristjánsson, en þeirra erindi í ræðustól var að vekja athygli á nýútkominni frjálhyggjuskræðu, sem mér skilst að sé ,,ritstýrt" af spjátrungnum og vandræðagemlingnum Hannesi Hólmsteini Gissurarsyni, sem eins og allir vita er ríkisrekinn frjálshyggjuspámaður. Ekki gátu stuttbuxnapésarnir Birgir og Siguður Kári gengið hreint til verks og auglýst herverki ríkisrekna frjálhyggjumannsins beint og milliliðalaust, heldur notuðu þeir ályktun flokksráðsfundar VG frá síðustu helgi til að vekja athygli á framtaki meistara þeirra.

Þó verður að segjast eins og er, að þó að stuttbuxaðir vikapiltar ríkisrekna frjálhyggjuspámannsins hafi staðið sig með prýði í koma umræddu helgiriti peningageðsýkinnar á framfæri, þá stóðu stuttbuxnadrengirnir Ágúst Óláfur frá Samfylkingunni og Magnús Stefánsson framsóknarmaður sig enn betur í stykkinu með heiðskýrum stuðningi sínum við auðvalds- og braskshugmyndafræði hinna ríku og voldugu.

Ég er satt að segja stórundrandi á að stuttbuxnafyrirbærin Ágúst Óláfur og Mángi Stef skuli ekki hafa þann frómleik, hugrekki og manndóm sem uppá vantar að stíga skrefið til fulls og ganga formlega til liðs við hugsjónabræður sína í frjálshyggjudeild Sjálfstæðisflokksins. Ég er viss um að þessum flokksvilltu páfuglum myndi líða fjarskalega vel við fótskör ríkisrekna frjálshyggjumeistarns Hannesar Hólmsteins Gissurarsonar.

Ályktanir flokksráðsfundar Vinstri grænna í febrúar 2008 há lesa í heild sinni á heimasíðu flokksnis, vg.is http://www.vg.is/frettir/eldri-frettir/nr/3173 

Tekist á um skattamál á Alþingi

Athugasemdir

[Jóhannes Ragnarsson, 26.2.2008 kl. 15:42]

Peningahyggja og græðgi frjálshyggjunnar hefur ekkert með frjálshuga fólk að gera og enn síður frelsi. Frjálshyggjan eru fjötrar á þorra almennings og hana á að meðhöndla sem slíka.

[Árni Gunnarsson, 26.2.2008 kl. 15:59]

Ég styð frjálshuga fólk. Skilgreininguna "frjálshuga", finn ég ekki hjá fólki sem krefst frelsis fyrir suma á kostnað annara.

Ég er hundfúll yfir því að lífeyrisþegar úr hópi vinnandi stétta og láglaunafólk þurfi að greiða skatta fyrir fyritæki.

Í BNA, vöggu frjálshyggjunnar greiða fyritæki tvöfaldan skatt borið saman við íslensk fyrirtæki.

Kannski þurfum við að bjóða þeim þarna fyrir vestan á námskeið hjá Hannesi Hólmsteini. 

[Jóhannes Ragnarsson, 26.2.2008 kl. 16:04]

Ég held ég misskilji frjálhyggju ríkisrekna frjálshyggjuspámannsins og hans nóta ekki par. Mannlegt eðli og drifkrafur byggist vonandi ekki á því að selja ömmu sína.

[Jóhannes Ragnarsson, 26.2.2008 kl. 16:28]

Úr ályktun flokksráðsfundar VG í febrúar 2007: 

„Þau 17 ár sem Sjálfstæðisflokkurinn hefur nú setið við völd hafa markvisst verið notuð til að búa í haginn fyrir einkavæðingu velferðarþjónustunnar. Það eru mikil vonbrigði að með aðild Samfylkingarinnar að ríkisstjórn skuli ekki horfið frá þessari stefnu heldur eru nú þvert á móti uppi áform um umfangsmeiri einkarekstur en nokkru sinni fyrr...Ráðherrar úr báðum stjórnarflokkunum eru farnir að taka opinberlega undir með samtökum atvinnurekenda og fjármagnseigenda um einkavæðingu almannaþjónustunnar..."

[Oddgeir Einarsson, 26.2.2008 kl. 18:30]

Ekki veit ég hversu oft orðið stuttbuxur kemur fyrir í þessum ómálefnalega pistli. Væri skemmtilegra að lesa sama magn af texta sem fjallaði um af hverju höfundur væri ósammála tilteknum þingmönnum en að sjá uppnefningar og upphrópanir. Enda veit ég að höfundur er vel fær um slíkt.

[Jóhannes Ragnarsson, 26.2.2008 kl. 18:54]

Orðið ,,stuttbuxur" koma 5 sinnum fyrir í pistlinum.

Orðið ,,frjálshyggja" kemur aftur á móti 7 sinnum fyrir, þar af 4 sinnum í tengslum við hinn ríkisrekna Hannaes Hólmstein Gissurarson.

[Oddgeir Einarsson, 26.2.2008 kl. 22:50]

Það sannar hvað þetta er málefnalegt.