Sprotafyrirtæki í bændagistinu í burðarliðnum

Á meðan rígmontnir hvítflibbabændur funda í gríð og erg í Bændahöllinni Suðrá Melum, ásamt pólitískum plebbum og pappakössum, situr Jón bóndi heima og ræðir vanda landbúnaðarins í heildarlausnum á víðum grundvelli við hvern þann sem heyra vill, sem því miður eru þó næsta fáir.

Um þessar mundir er Jón bóndi, sem betur er þekktur undir nafninu GJH, í óðaönn að skipuleggja bændaferðir til Hamborgar í Þjóðverjalandi í því skyni að kynna bændum ákveðna tegund af ferðaþjónustu, sem ýmsir málsmetandi áhættufjárfestar hafa áhuga á að styrkja bændur í að koma upp í sveitum landsins. Munu hinir ferðaglöðu þáttakendur í hamborgarförinni sitja hálfs mánaðar námskeið í því plássi, sem heitir í Herbertsstrasse þar í Hamborg, og læra þar hvernig best sé að byggja upp og starfrækja þá viðbót í bændagistingu sem þeir hyggjast bjóða gestum og gangandi uppá í framtíðinni.

Meðfylgjandi mynd er af Jóni Bónda (GJH) þar sem hann er að leggja á ráðin varðandi nýmæli í sprotafyrirtækjarekstri í sveitum Íslands.     

Bændur þinga

Athugasemdir

[Alfreð Símonarson, 2.3.2008 kl. 23:35]

Ég vona að ég sé ekki ókurteis ef ég pota hérna aðeins minni nýust færslu um efnarákir yfir Reykjavík. Ég er að reyna að safna sem flestum í þessa umræðu og er öllum það frjálst að bæta við athugasemd ef þið viljið tjá ykkur um þetta ákveðna málefni:

Víða efnarákir yfir Reykjavík, krakkar ekki borða snjóinn!!





Kær kveðja Alli

[Ásthildur Cesil Þórðardóttir, 3.3.2008 kl. 12:52]

Jamm það er misjafnt sem þeir hafast að bændurnir.  Einu sinni inporteruðu þeir nú þýskar konur til búbóta, þetta er ef til vill næsta stig við það.... eða hvað ?

[Ingibjörg Friðriksdóttir, 3.3.2008 kl. 20:50]

Enginn er bóndinn, nema að hann barmi sér. 

[Níels A. Ársælsson., 3.3.2008 kl. 23:42]

Hahaha ! Góður.

[Hafsteinn Viðar Ásgeirsson, 4.3.2008 kl. 12:07]

Já Níels, hann klikkar ekki á því hann Jóhannes...