Framsóknarsetur um skrautlega fortíð

Ja, flest getur blessaður drengurinn hann Gvöðni Ágústsson látið sér detta í hug á lokasnúningi Framsóknarmaddömunnar. Skáksetur til minningar um afrek Friðriks og Fichers! Það var aldrei.

Nær væri, að pilturinn frá Brúnastöðum tæki sig til og bræddi saman þinsályktunartillögu um stofnun framsóknarseturs til minningar um afrek Halldórs Ásgrímssonar og Framsóknarmaddömunnar sjálfrar, sem brátt er úr heimi höll. Á væntanlegu framsóknarsetri væri hægt berja augum ýmsa eigulega muni á borð við kvóta Halldórs, sjóði SÍS, spillingu Maddömunnar og hugsjónaþurrð, úlfa í suðargæru, grjónagraut Steingríms, helmingaskipti Íhaldsins og Maddömunnar, Íraksstríðið, Dauðastríð Maddömunnar, Kárahnjúkahneykslið, Hermangið, lauslæti Maddömunnar og hennar báða enda opna, svo fátt eitt sé nefnt. Þá mun í hátíðarsam framsóknarsetursins gefa að líta líkneski af Halldóri Ásgrímssyni í tvöfaldri stærð úr blýi, önnur af Finni Ingolfssyni úr gulli, og sú þriðja af Valgerði Swerrisdóttur úr alúmíníum, en úti í horni stæði Alfreð Þorsteinsson hogginn í marmara. Á veggnum, andspænis aðalinngangi hátíðarsalar væri málverk, 6X8m = 48 fermetrar að stærð, af sjálfu kvótakerfinu í allri sinni dýrð.  

 

Skáksetur til heiðurs Fischer og Friðriki

Athugasemdir

[Haraldur Bjarnason, 9.3.2008 kl. 08:26]

Þetta er bráðsnjöll hugmynd með Framsóknarsetrið og nær fyrir Guðna að einbeita sér að því. Nægar eru minjarnar til að hafa þar og þetta gæti orðið komandi kynslóðum víti til varnaðar. Öðrum gæti þetta orðið til mikillar skemmtunar.