Krossfestingar á Íslandi

Á meðan filippseyingar krossfesta hvern annan unnvörpum, fyrir drýgðar syndir síðasta árs, á föstudaginn langa, látum vér íslendingar oss nægja að hengja krossa á embættismenn og uppskafninga á nýársdag og 17 júní.

Nær væri oss að snúa dæminu omvent og negla einn og einn ræningja úr fjármálageiranum uppá kross öðrum skoffínum til varnaðar. Til hátíðarbrigða væri upplagt að hinir útvöldu krosshangar hefðu Stórriddarakross hinnar íslensku fálkaorðu nælda í barminn á meðan þeir stæðu uppi með timburkross í bak. Þá held ég yrði nú sjón að sjá eignirnar.   

Krossfestingar á Filippseyjum

Athugasemdir

[Níels A. Ársælsson., 21.3.2008 kl. 12:34]

Amen.

[Ásthildur Cesil Þórðardóttir, 21.3.2008 kl. 14:45]

Ætlaði forsetinn ekki að fækka þessum krossferðum sínum ? Rétt eins og Ingibjörg Sólrún hefur gleymt sínum áformum, reyndar á mun styttri tíma en Ólafur.

[Jóhannes Ragnarsson, 21.3.2008 kl. 15:10]

Já, veslings I. Sólrún virðist haldin smávægilegum minnisglöpum.

En krossferðir Bessastaðabóndans mættu, að skaðlausu, afleggjast með öllu. Hinsvegar mætti hann endurreisa Svartholið á forsetasetrinu til geymslu fyrir snærisþjófa nútímans.

[Óskar Helgi Helgason (IP-tala skráð) 21.3.2008 kl. 16:59]

Heill og sæll; Jóhannes og aðrir skrifarar !

Þakka ykkur; Níels æfinlega kærkomnar skemmtanir. Veit ekki; hvort ég eigi að senda Ásthildi Cesil nokkra kveðju, vil ei yggla henni um brúnir. Þau Frjálslynd eru í fýlu mikilli, út í mig, hvar ég gaf Höllu Rut til kynna, fyrir skömmu (á síðu hennar), að þau Jón Magnússon og Ásgerður Jóna Flosadóttir, væru ómengað Sjálfstæðisfólk.

Vildi nú Halla Rut ekki alveg fallast á það; en,...... hún - Sigurjón Þorðarson og Magnús Þór Hafsteinsson eru þau einu, hver ei taka upp á, að vera þurrleg við mig, þá ég sendi þessarri aumlegu þingsveit þeirra tóninn. Jón Magnússon er til dæmis hlynntur ýmissi ''einkavæðingu'' (þar sem hún á við, segir hann), og er einn þessarra manna, hverjir hafa ''útrásar'' hyskið, í uppáhaldi, hjá sér.

Með beztu Hvíta- Krists kveðjum, út undir Enni vestur /      Óskar Helgi Helgason