Samfylkingin hræðist VG

Það leikur enginn vafi á, að almenn skíthræðsla hefur gripið um sig í þeirri auðvaldsdeild þjóðfélagsins sem gengur undir nafninu Samfylking. Skýrt merki um þennan dauðaskelk auðvaldsúlfanna í vinstri-sauðagærunum er yfirvarpsályktun flokksstjórnarfundar þeirra sem byggir á meiningarlausu óráðshjali um eitthvað sem pistlahöfundur mbl.is kallar ,,græn skilaboð flokksstjórnar" og gengur út á að meðan beðið er niðurstöðu rammaáætlunar um vernd og nýtingu náttúrusvæða verði ekki farið inn á óröskuð svæði. Þetta er vægast sagt undarlegt tal úr munni apparats, sem veit ekki sitt rjúkandi ráð í virkjunar- og stóriðjuframkvæmdum og starfar hörðum krumlum og klóm í ríkisstjórn með sjálfu Erki-Íhaldinu að undirbúningi álversframkvæmda í Helguvík og á Húsavík. Eða er Samfylkingin máske að gefa í skyn, að ef platan með stóriðjutregasveitinni verði ekki tafarlaust tekin af fóninum, slíti hún vistarbandinu við húsbónadan á Höfuðbólinu? Trúi því hver sem vill.

En þó eru samfylgkingarnaggarnir ekki svo skyni skroppir að þeim bjóði ekki í grun, að nú þegar sé farið að fjara illilega undan vinstri löppinni á þeim og stórhætta sé á að fylgið, sem þeir byggja pólitíska tilvist sína á, renni fyrirhafnarlítið yfir á VG, sem er þó, andskotinn hafi það, vinstriflokkur á aðra röndina. Af þeim sökum rjúka kafbátar og klækjarefir samfylkingarauðvaldsins upp til handa og fóta og láta flokksstjórnarfund sinn gera örvæntingarfulla tilraun til að veifa fölgrænni grein framaní félagshyggju- og umhverfissinnaða kjósendur til að freista þess að þeir lendi ekki allir sem einn hjá VG til frambúðar.

Svona einfalt er það nú.

Græn skilaboð flokksstjórnar

Athugasemdir

[Jóhannes Ragnarsson, 30.3.2008 kl. 22:54]

Sá er góður þessi: ,,Góða og heilbrigða umhverfisstefnu." Ég er hræddur um að þú hafir heldur betur mismælt þig, Ægir minn góður. Þú átt auðvitað við að Samfylkingin hafi góða og heilbrigða auðvaldsstefnu, húsbóndanum á Höfuðbólinu til dýrðar.

[Hlynur Hallsson, 30.3.2008 kl. 23:13]

Ægir er flottur, dritar hér út um allt athugasemdum við að fólk sé dálítið meira en hissa á þessari meintu "grænu slepju skilaboðum til sjálfs sín og ef til vill sérstaklega fjármálaráðherra eigin ríkisstjórnar!".

Er þetta sama Samfylking og er á fullu í stjórn með íhaldi sem á þann draum æðstan að sulla áverum útum allt og stækka þau sem fyrir eru í leiðinni? Fagnar jafnvel ólöglegum framkvæmdum sem eiga sér stað í Helguvík. Umhverfissinnarnir í Samfó eru eins og sambýlisfólk alkahólista í bullandi afneitun. Sorglegt en staðreynd.

Bestu kveðjur,