Skítadreifarar og haugsugur brátt á vettvang.

Nújá, er ráðherrastóðið og lögreglan farin að hlaupa út og og suður eftir orðrómi, kjaftasögum? Það er augljóst að vörubílakallarnir eru langt komnir með að taka yfirvöldin á taugum, gera þau móðursjúk, koma þeim í óþolandi hlandspreng.

Það hefur líka heyrst orðrómur um að valinkunnir menn séu búnir að útvega sér fáeinar haugsugur og skítadreifara, sem þeir ætli að nota til að gleðja þá sem leið eiga um miðborg Reykjavíkur. Svo það er full ástæða fyrir þá sem völdin hafa og eiga, að hafa uppá umræddum landbúnaðartækjum í tæka tíð. 

Meðfylgjandi mynd er af einum þeirra sem ætlar leggja til hráefni í haugsugurnar og dreifarana. 

Orðrómur um aðgerðir

Athugasemdir

[Hagbarður, 3.4.2008 kl. 12:52]

Vonandi er að verða breyting hér á landi og að almenningur "þori" að mótmæla á öðrum stöðum en með kaffibollann og kunningjana í kringum sig. Það er mörgu sem þarf að mótmæla, t.d. ér ég viss um að afgreiðslan á áliti Mannréttindardómstóls SÞ núna í vor verður þess eðlis að skítadreifarar verða nauðsynlegir. Góður tími til að moka úr haughúsunum!

[Guðrún Magnea Helgadóttir, 3.4.2008 kl. 13:40]

Loksins, loksins er mótmælt svo eftir er tekið.... Það þurfti flutningabílstjóra til.

Ef til vill er þetta upphafið af breytingum í þjóðfélaginu

[Sigurjón, 3.4.2008 kl. 15:42]

Kindaskít var aldrei dreift með haugsugu í minni sveit; bara kúaskít.

[Hafsteinn Viðar Ásgeirsson, 3.4.2008 kl. 19:54]

Þarf ekki einhverskonar sparðabyssu á afurðir myndefnisins Sigurjón?

Talandi um það, þá man ég eftir einum sem áformaði að hanna byssu til að skjóta haugnum af bæjarhólnum. svoleiðis vopn væri gagnlegt í þessum slag...

[Jóhannes Ragnarsson, 3.4.2008 kl. 20:26]

Það held ég yrði lítið úr Árna okkar Matt, ef heilum fjóshaug væri skotið á hann ... 

[Hafsteinn Viðar Ásgeirsson, 3.4.2008 kl. 23:26]

Það legðist sennilega ekki mikið fyrir kappann undir fjóshaugnum..