Fjármálaráðherra yfirbugaður af skelfingu

Það er dálaglegt að heyra, að á meðan vörubílstjórar þeyttu lúðra sína fyrir utan Arnarhvál, aðsetur fjármálaráðuneytisins, hafi sjálfur fjármálaráðherran legið undir rúmi heima hjá sér, yfirbugaður af skelfingu.

Í fréttaflutningi fjölmiðla var sagt á kurteisri og fágaðri íslensku, að ráðherrann væri veikur, þegar talað var um fjarveru hans og brotthlaup af vettvangi. Eins og útlitið er þessa stundina, gæti dregist fram eftir vori, að hinn sjúki húsbóndi að Arnarhváli láti verða af, að skríða undan rúmi sínu og fram í dagsljósið.

Svo gæti náttúrlega vel gerst, að vörubílsjórar færu í heimsókn til fjármálaráðherrans í þeim tilgangi að hjúkra honum og koma til heilsu á ný.

Mikill hiti í bílstjórum

Athugasemdir

[Kreppumaður, 3.4.2008 kl. 19:07]

Þessi mynd minnir á Tove Jansen, gæti það verið?

[Jóhannes Ragnarsson, 3.4.2008 kl. 19:40]

Gæti verið. Fann hana með gúgglinu.