Alsgáðir í annarlegu ástandi

Ósköp er nú hressandi að vakna, með kaffibollann og winstoninn að vopni, við að lesa um hneykslisverk drukkinna manna. Það eina sem vantar er að viðkomandi brennivínsberserkir séu nafngreindir, svo ekki fari á milli mála hvaða sómamenn voru þar á ferð.

Þó finnst mér einhvernveginn hálf óviðkunnanlegt þegar látið er fylgja, að viðkomandi hafi verið í ,,annarlegu" átandi. Það eru nefnilega svo margir í þessu ,,annarlega" ástandi þó þeir hafi hvorki bragðað vott né þurrt af miðtaugakerfiseflandi fæðu. Ég þekki nefnilega fólk sem hagar sér dags daglega eins og það hafi látið ofaní sig einhver andskotans ókjör af brennivínsogdópjukki, en á þó að heita gersamlega alsgáð, og sumt hvert talið til sérlega göfugra bind-ind-ind-indismanna. Ég gæti t.d. vel trúað, að sá er ók á veitingastaðinn Asíu, eins og ekkert væri sjálfsagðara, hafi verið einn að þessum sérlega alsgáðu bindindismönnum á upplýsandi skemmtiakstri niður Lagaveginn. 

Hnífamaður handtekinn

Athugasemdir

[Óskar Arnórsson, 13.4.2008 kl. 19:13]

Já, góð ábending og ætti að ræða meira um..

Annarlegt ástand? Pabbi heitin var stoppaður í "annarlegu" ástandi eftir að hafa verið að dúkaleggja og vinna án þess að sofa í 30 klukkutíma.

Ég held nú að helmingurinn af fína koníkinnu hafi verið eftir sem honum var gefið á fimmtugsafmælinu, þegar hann var orðin 60 ára..

Þeir gerðu nú ekki neitt nema segja honum að keyra varlega...

Umferðarlöggunni vantar "Drug Wipe" sem er hægt að kaupa á netinu og er ólöglegt vegna "persónufrelsis" en samt má taka konu og misþirma henni af því að hún var full! Hefðu alveg eins geta tekið vídeómynd af henni!

Fer einhver að þræta með bíómynd af sjálfum sér ekki standandi í lappirnar af ofdrykkju? En ég hvet nú samt alla foreldra sem eru með áhyggjur af börnum sínum að eiga þetta "Drug Wipe". Getur komið í staðin fyrir rifrildi og rugl í fjölskyldum. 'eg þekki nú einn sem hefur aldrei á ævinni drukkið áfengi og er endalaust verið að stoppa hann.

Það er búið að eyða miklum peningum í blöðrukostnað bara við þennan eina mann. manni kemur hann fyrir sjónir eins og hann væri fullur, en það er gamalt slys sem lætur fólk misskilja hann og líka lögregluna...

Æ, ég veit ekki hvort ætti að birta myndir af öllum sem stoppaðir eru fullir á Íslandi. Myndi bara auka einelti á börnum þeirra í skóla og þau eru saklaus af þessu, er mín skoðun...