Blóðlaus drengur á hlaupum

Fréttin af Das hinum myrta og stráknum sem hann lét hlaupa allt hvað af tók er afskaplega athyglisverð, en þar stendur meðal annars: ,,Das hefur áður verið sakaður um að misþyrma drengnum. Meðan á 70 km hlaupinu stóð stöðvuðu læknar drenginn eftir 65 km þegar hann var orðinn aðframkominn. Síðar kom í ljós að drengurinn var vannærður, blóðlaus og með háan blóðþrýsting." (mbl.is)

Nú er útaf fyrir sig ekkert mjög undarlegt að hinn fjögurra ára hlaupagikkur væri orðinn ögn þreyttur þegar hann var búinn að hlaupa eina 65 kílómetra. Ég væri meira að segja orðinn hálfdasaður eftir þessháttar harðasprett. Hitt kemur afturámóti meir á óvart, ef hægt hefur verið að mæla blóðþrýsting stráksins, ef rétt er að hann hafi verið með öllu blóðlaus þegar mælingin fór fram.

Umdeildur þjálfari maraþondrengs myrtur

Athugasemdir

[Hafsteinn Viðar Ásgeirsson, 14.4.2008 kl. 22:33]

Þú hefðir nú trúi ég ekki blásið úr nös Jóhannes við 70 km., ef þú hefðir haft Winstoninn og jafnvel kaffilús á brúsa. Það hefði steinlegið hjá þér og nóg er af Víkingablóði...?

[Jóhannes Ragnarsson, 14.4.2008 kl. 22:40]

Það er hægt að hlaupa heil andskotans ósköp á winston og kaffi, ekki vantar það ...

[Cactus Buffsack (IP-tala skráð) 15.4.2008 kl. 19:26]

Cactus segir.

Cactus svarar.

Þetta er nú það sama og hún mamma þín sagði  alltaf um þig Jói minn.

kv.

Cactz