Hjarðsveinasjúkdómur

Það er skýrt menningarlegt hnignunarmerki, að enginn einstaklingur - segi og skrifa, akkúrat einginn einstaklingur - greindist með hjarðsveinasjúkdóm hér á landi á síðasta ári.

Ég hefi ekki hugmynd um, hvað á til bragðs að taka þegar ástandið er orðið svona skuggalegt, en augljóst er að eitthvað verður að gera. Varla er ráðlegt að eyða tíma í að óska eftir að ríkisstjórnin geri eitthvað í málinu, því hún er ekki til nokkurra nýtilegra hluta brúkleg; ekki nema einhver ráðherrabullan dytti niður á fransóssmit fyrir slysni í útlöndum.

Annars liggur í hlutarins eðli, að landbúnaðarráðuneytið gangi í málið og sjái svo um að, a.m.k. tveir til þrír tugir manna fái kraftmikla hjarðsveinasótt á hverju ári. Við verðum bara að sjá til og vona það besta og að þessum mikilvæga hluta íslenskrar menningar verði bjargað.

Engir greindust með sárasótt á síðasta ári

Athugasemdir

[Ingibjörg Friðriksdóttir, 17.4.2008 kl. 15:59]

Ég hef ekki hugmynd um hver sé landbúnaðarráðherra eða frú, getur þú upplýst mig?  Sé bara Guðna fyrir mér, og hann er auðvitað, vita vonlaus í að verða sér úti um hjarðsveinasótt.

[Jóhannes Ragnarsson, 17.4.2008 kl. 19:21]

Landbúnaðarráðherra heitir Einar K. Guðfinnson, ættaður frá Bolungarvík. Hann er einkum þekktur fyrir að mjálma á móti kvótakerfinu vestur á fjörðum fyrir kosningar en vera innilega meðmæltur sama kerfi að kosningum loknum, þegar hann er kominn aftur til Reykjavíkur.

Ég er nokkuð viss um að Einar þessi er ekki það mikið stórmenni, að verða sér úti um hjarðsveinasjúkdóm 

[Hafsteinn Viðar Ásgeirsson, 17.4.2008 kl. 21:45]

Guðni er reyndar miklu líklegri, nema hann er meira fyrir kýrnar og þær eru lausar við hjarðsveinasjúkdóm...?

[Jóhannes Ragnarsson, 17.4.2008 kl. 22:38]

Þær eru svo sem ekki allar þar sem þær eru séðar, blessaðar kýrnar ...

[Ingibjörg Friðriksdóttir, 18.4.2008 kl. 00:05]

En hvað með ykkur, eru þið líklegir að geta orðið ykkur úti um þennan sjúkóm sem heitir svo fallegu nafni.  Þið gætuð þá orðið hjarðsveinar mínir í framtíðinni.

Þetta er nú ljótt annars og dreg ég ummæli mín til baka og held hinu gagnstæða fram.  Ég hlýt að mega detta í Ragnar Reykás eins og Einar Gubbsen og fleiri.

[Hafsteinn Viðar Ásgeirsson, 18.4.2008 kl. 15:34]

...Góð..