Velti sér nakinni uppúr sinuruddanum á sumardaginn fyrsta

Nú er vor í lofti og bændur farnir að slá; fuglar syngja á húsþökum og kettir pissa í sandkassa barnanna.

Auk þess þekki ég konu nokkra, Wilhelmínu Guðbjörnsdóttur að nafni, sem ruglaðist eitt sinn á jónsmessunótt og kvöldi sumardagsins fyrsta. Hún tók sig sem sé til og velti sér nauðaberrassaðri, fyrir allra augum, uppúr sinuruddanum á lóðinni fyrir framan húsið heima hjá sér að kvöldi sumardagsins fyrsta og óskaði sér í leiðinni að hún fengi 5 rétta í lottóinu næsta laugardag. Aðvitað fékk hún ekki nema 2 rétta, af því að maður fær ekki óskir sínar uppfylltar nema þeirra sé óskað á jónsmessunótt. Eftir þetta varð kerlingarrörið eitthvað skrýtin í höfðinu og var loks tekin úr umferð og sett á geðveikrahæli í Reykjavík.  

Vor í lofti

Athugasemdir

[Hafsteinn Viðar Ásgeirsson, 24.4.2008 kl. 12:31]

Já blessunin hún Vilhelmína endurnýjar ekki lottómiðann meir... það virðist vera afleitt að fá sinu uppí rassinn.

En allavega, Gleðilegt sumar og farðu varlega í sinunni fyrir vestan.

[Jóhannes Ragnarsson, 24.4.2008 kl. 12:59]

Gleðilegt sumar Hafsteinn og takk fyrir veturinn.

Já, það hefur lítið heyrst af lottóvinningum Wilhelmínu eftir að hún fór á geðveikrahælið.

[Fríða Eyland, 28.4.2008 kl. 23:32]