Össur, hlandhöfðar og giljagaurar

Mikill þó bölvaður kjáni og uppskafningur er karlgreyið hann Össur Skarphéðinsson, nótt sem nýtan dag, það verður aldrei af honum skafið. Hvernig í ósköpunum getur það verið að ráðherra sé óánægður með að 40 hrefnur verði veiddar í sumar? Getur verið að Össur vilji að fleiri hrefnur verði veiddar, eða hvað gengur honum til. Varla er hann einn af þessum sauðheimsku hvalfriðunarþráhyggjumönnum?

Rétt í þessu heyri ég í útvarpsfrettunum einhverja hvalaskoðunarföndrarar boða dómsdag fyrir sitt innantóma snatt ef hrefnuveiðar verði leyfðar. Þvílíkir bögubósar og hlandhöfðar. Þessir sömu giljagaurar boðuðu líka dómsdag þegar hrefnuveiðar í vísindaskyni voru leyfðar, en auðvitað gerðist ekki neitt. Giljagaurarnir í hvlaskoðunarföndrinu eru nefnilega aungir spámenn, þeir eru bara hégómlegir föndrarar og roðhænsn.

 

Óánægja með hrefnuveiðar

Athugasemdir

[Vésteinn Valgarðsson, 20.5.2008 kl. 12:37]

Þú sparar ekki stóru orðin. Ef hvalket selst ekki og veiðarnar valda þjóaðrbúinu búsifjum á öðrum vígstöðvum, þá finnst mér asnalegt að halda veiðunum til streitu. Ég er alveg hlynntur þeim, en það meikar ekki sens að stunda þær til þess að urða aflann.

[Þórður Víkingur Friðgeirsson (IP-tala skráð) 20.5.2008 kl. 12:46]

Þetta er nú aldeilis málfefnalegt hjá þér:)

[Vésteinn Valgarðsson, 20.5.2008 kl. 12:51]

Ha, hjá mér?

[Jóhannes Ragnarsson, 20.5.2008 kl. 12:55]

Ég er ekkert hræddur um að kjöt af 40 hrefnum seljist ekki, enda er það afbragðsmatur og næringarríkur.

Það má líka varpa fram þeirri spurningu, hvenær þorskveiðar íslenskra fiskiskipa  fara að skaða veiðar þýskra sjóstangveiðimanna og þjónustu við þá á Vestfjörðum.  

[Hafsteinn Viðar Ásgeirsson, 21.5.2008 kl. 22:43]

...Góður.