Svefndrukkin kratasneypa og skutulkanónan

Það er mikið að þessi syfjaði ,,umhverfisráðherra" okkar rumskar eftir rúmlega árs værðarsvefn. En það er ekki nóg fyrir þessa voluðu kratasneypu að rumska og mæla af munni fram einhverja svefndrukkna krataþvælu. Ónei, nú duga engin vettlingatök frú ráðherra. Að ætla sér að ná kvikindinu lifandi flokkast að sjáfsögðu undir framúrskarandi barnaskap og reginheimsku. Það á að kála helvítis hvítabirninum og það stax; það þolir akkúrat enga bið! Ef menn eru svo huglausir að þora ekki að hengja skepnuna, á að skjóta hana undir eins, helst með fallbyssu eða skutulkanónu eins og hrefnuveiðimennirnir nota. Það er einfaldlega ekki hægt að bjóða fjölskyldunni að Hrauni á Skaga uppá að bjarndýrsandskotinn éti upp allt æðarvarpið hjá því og hundinn líka, meðan verið er að bíða eftir einhverjum heimskupörum sem kunna að koma útúr ráðaleysisórum umhverfisráðherra. 

Erfið aðgerð framundan að Hrauni

Athugasemdir

[Ingibjörg Friðriksdóttir, 16.6.2008 kl. 21:17]

Skyldi hann Skaga Mangi vita af þess? 

[Ingibjörg Friðriksdóttir, 16.6.2008 kl. 21:41]

Mangi þarf að læra af ykkur, það er langbest að kála svona óvelkomnum gestum.  Sveiattan, skítalykt af málinu

[Jóhannes Ragnarsson, 17.6.2008 kl. 09:37]

Ég efast ekki um, að Skaga-Mangi sé fullboðleg fæða fyrir hvaða ísbjörn sem er.

En að ég sé sæmilega geggjaður er náttúrlega alrangt.

[Ingibjörg Friðriksdóttir, 17.6.2008 kl. 10:18]

Já það er alrangt, þú ert fullkomlega geggjaður og til hamingju með það.

Og þetta síðasta komment  þitt er tær snilld.