Fjárglæfralýðurinn minnir á langdrukkna fyllibyttu

Það er meira en broslegt að verða vitni að hve græðgisvæddur prangara- og fjárglæfralýðurinn á Íslandi er skelkaður, að ég ekki segi viti sínu fjær af hræðslu, þessa dagana. Úrræði þessara óþrifagemlinga gegn aðsteðjandi vá eru heldur ekki af verri endanum: Fleiri virkjanir, fleiri álbræðslur og flýjum inní Evrópusambandið! öskra skoffínin í krampakenndum skelfingartryllingi, eins og þar sé fólgin þú patent töfralausn sem geti ein bjargað þeim frá að þurfa að hafa fyrir hlutunum eins og venjulegar og heilbrigðar manneskjur. Þessi endemis ramakvein þeirra græðgisvæddu minna óneitanlega á langdrukkna fyllibyttu sem er að byrja að þynnast upp og heimtar meira brennivín til að geta verið fullur örlítið lengur. En því miður, timburmennirnir verða ekki umflúnir, þó svo fjárglæfralýðurinn haldi að hægt verði að komast hjá þeim með duglegri blöndu af  vikjunum, álverum og ESB.  

Verslunarmenn vilja taka upp evru

Athugasemdir

[Ingibjörg Friðriksdóttir, 26.6.2008 kl. 01:36]

Smölum þessum andskotum upp í Fjárborg, þar eiga þeir heima.

[Árni Gunnarsson, 27.6.2008 kl. 18:31]

Mikið lifandis ósköp líkar mér það vel þegar menn gera sig skiljanlega í stuttum texta.

Þarna var engu orði ofaukið og stóryrðum sleppt.

'Eg skrifa undir hvert orð og segi: Takk fyrir mig!