Úrkynjuð gamalkvikindi verða greddunni að bráð

Það má með sanni segja að allstaðar megi sjá stórfelld menningarleg og félagsleg hnignunarmerki í því samfélagi sem við búum við í dag. Öll þekkjum við úrkynjunarathafnir fólks á besta aldri, í stóru sem smáu, sem kristallast í óseðjandi peningagræðgi, útlitsdýrkun, kynlífsfíkn, eiturefnanautn, neyslutrylling, yfirgang og fíflsku. Í öllum þessum rottugangi nútímans hafa sjónir heiðarlegara manna, já og kvenna, beinst að hinum öldruðu; þar megi finna þá fyrirmynd sem ein kunni að verða mannkyninu til bjargar.

En svo bregðast krosstré sem aðrir raftar. Nú hefur, því miður, komi í ljós, að bölvuð gamalmennin hafa í æ ríkara mæli verið að færa sig uppá skaftið í allskyns ósóma og úrkynjuðum dónaskap. Sú nöturlega staðreynd, að karlaskrattar og kerlingarskrukkur yfir sjötugt iðki lostafullt athæfi, hafi á gamalsaldri orðið greddunni að bráð, er þyngra hverri heilbrigðri sál en tárum taki. Hvenær hinir ,,virðulegu" eldri borgarar fóru að þróa með sér kynlífsfíkn svo um munar, má fjandinn einn vita. En það skulu þessi skammarlega kynóðu gamalkvikindi vita, að úrkynjun og perraskapur á efri árum mun ekki gagnast þeim vel þegar þau í fyllingu tímans mæta við hlið Hymmnaríkis og beiða Drottinn sjálfan Alsherjar um húsaskjól. Þá mun Drottinn ekki hafa neinar vöflur á og skipa hinum gröðu gamlingjum til Helvítis.

Meira kynlíf og oftar fullnæging

Athugasemdir

[Erna, 9.7.2008 kl. 21:19]

Njóttu lífsins núna!!!!!  Áður en þú verður úrkynjað gratt  gamalmenni

[Baldur Fjölnisson, 9.7.2008 kl. 21:38]

Ég held að blessuðu fólkinu sé þetta ekki of gott. Amen.

[Jóhannes Ragnarsson, 9.7.2008 kl. 21:41]

Ég get trúað þér fyrir því, Erna, að ég ansa ekki ómálefnalegum og rætnum athugasemdum eins og þessari frá þér.

[Ingibjörg Friðriksdóttir, 11.7.2008 kl. 09:49]

Takk fyrir þennan pistil Jóhannes, það er gott að einhver þorir að andmæla þessarri fáránlegur frétt af þeirri úrkynjun sem er að eiga sér stað.

Þessi frétt minnir einna helst á sögurnar frá borgunum Sódómu og Gómorru.

Að eldra fólk, (eftir 45 ára) sé að stunda kynlíf er aldeilis fásinna, þá á maður að fara að takast á við ömmu og afa hlutverkið og búa sig undir að verða lang amma og afi.

Hlutverki okkar sem kynvera á helst að ljúka vel fyrir fimmtugt, eða ertu ekki sammála því Jóhannes?  ha?

[Jóhannes Ragnarsson, 15.7.2008 kl. 07:51]

Svo hjartanlega sammála, Ingibjörg. Þeir sem eru að reyna að bögglast við eðlunarstúss eftir að þeir eru orðnir 45 ára gera það af vilja, eða misskilningi, en ekki mætti. Það er svona svipað gáfulegt og ætlast til að dauður köttur veiði fugla og mýs eins og ekkert hafi í skorist. Kynlíf, eða hvað við eigum að kalla það, hjá þeim sem náð hafa 45 árunum er í einu orði sagt, ósmekklegt.