Jóhannes Ragnarsson

7.8.2008 | 13:42

Nafnbótin ,,klámstjarna" - hvað þarf til?

Hvað ætli ein kona þurfi að hafa til brunns að bera til að vera titluð ,,klámstjarna" á virðulegum vefmiðli eins og mbl.is? Er það fjöldi hlutverka í klámfengnum uppákomum sem gerir fólk að stjörnum á þessu sviði, eða ráða óvenjugóðir leiklistarhæfileikar þar einhverju um? Það væri allavega nógu fróðlegt að fá góðan og vel útlistaðan sannaleika um, hvað felst í því að verðskulda nafnbótina ,,klámstjarna."

En hvað sem öðru líður, þá er heillandi til að vita, að stúlkan Jenna klámstjarna, hafi glímt við ófrjósemi í fyrri samböndum, og við því hafi Tító kærastinn brugðist með því að barna hana vel og vandlega, enda er Tító öflugur drengur svo sem sjá má á fréttarmyndinni.

	Ófrísk klámstjarna
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Fólk er titlað kvikmyndastjörnur ef það eru frægir leikarar sem leika í kvikmyndum.

Rokkstjörnur eru frægir rokktónlistarmenn.

Af þessu má væntanlega draga þá ályktun að til að fá titilinn klámstjarna þurfi viðkomandi að vera frægur leikara í klámmyndum. Sem hún Jenna okkar einmitt er.

Var þetta virkilega svona flókið eða þarf að útskýra þetta betur fyrir þér? Eða er vandamálið kannski það að þú sért hræddur við orðið "klám" og viljir ekki að það birtist fyrir augu þín?

Klám klám klám.

Bjarni Þór, 7.8.2008 kl. 16:56

Orðið "klám" í íslensku þýðir einfaldlega: "Að gera eitthvað fallegt, ljótt".

Þannig er t.d., Femínasni í strætisvagni, "klám í strætisvagni". Þarna var strætisvagninn fallegur þangað til að Femínasninn fón inn í hann.

Hvort sem Femínasninn hafi leikið í kvikmynd eða ekki, þá er Femínasninn "klám" að mínu mati, en enganveginn "stjarna" hvernig sem sem á það er litið.....

Kær kveðja, Björn bóndiïJð<

Sigurbjörn Friðriksson, 7.8.2008 kl. 18:16

Þú virðist misskilja hvernig tungumál virka.

Tungumál eru ekki notuð og lærð út frá orðabókum heldur eru orðabækur skrifaðar út frá tungumálinu.

Ef að nútíma orðabók inniheldur ekki þá skýringu á orðinu klám að það sé notað yfir kynferðislegt efni (þó að aðrar ævafornar skilgreiningar sem enginn notar geti að sjálfsögðu fylgt), þá hefur sú orðabók einfaldlega rangt fyrir sér.

Bjarni Þór, 7.8.2008 kl. 18:23

Þið verðið að tala skýrar og í meiri smáatriðum, drengir mínir. Ég er ennþá jafnnær hvað klámstjarna raunverulega er.

Jóhannes Ragnarsson, 7.8.2008 kl. 20:50

Jenna er klámstjarna á sama hátt og Brad Pitt er kvikmyndastjarna eða Mick Jagger er poppstjarna. Ákaflega fræg fyrir að leika í klámmyndum og/eða öðru klámefni. Ætli hún sé ekki þekktasta nafnið innan þess geira.

Þessi útskýring hlýtur að nægja.

Ingvar Valgeirsson, 7.8.2008 kl. 20:57

Heyrirði piltar góðir, þið nálgist klámstjörnuspursmálið eins og kettir heitan graut; eða ölluheldur, viljugir karlmenn vafasamt kvendi. Hér duga engin vansgrautarsvör, drengir mínir, eða rósamálslatína sem engin orðabók nær yfir.

Jóhannes Ragnarsson, 7.8.2008 kl. 21:11

Ég er nú eiginlega sammála þér Jóhannes, ég átta mig eiginlega ekki alveg á þessum tiltli klámstjarna þar sem klám er jú bæði loðið og teygjanlegt hugtak. Það sem einum þykir klám getur öðrum sýnst fegurð. Það væri hægt að kalla marga leikara klámstjörnur að mínu mati þó aldrei hafi þeir leikið í myndum sem sýna uppáferðir fólks. T.d. minnist ég þess þegar amma mín horfði á kúrekamyndir hélt hún fyrir augun þegar hrossin féllu í kúlnahríðinni. Hún var bóndi hér austur í flóa og henni ofbauð meðferðin á blessuðum skepnunum. Henni ofbauð þessar myndir og þær vöktu hjá henni hryggð og hrylling. Fyrir henni voru þessar kvikmyndir klám að mínu mati. Kannski var Jhon Wain klámstjarna? Ég aftur á móti varð miður mín eftir að hafa horft á myndina Hannibal þar sem heili úr lifandi manni var matreiddur og maðurinn síðan látinn snæða hann. Fyrir mér var þetta klám þar sem níðst var á persónunni í myndinni og ég fæ ekki séð að hægt sé að ganga lengra í viðbjóðnum, þetta særði mig einhvernvegin tilfinningalega mér var misboðið. Er þá Anthony Hopkins klámstjarna? Ég geri mér fullkomlega grein fyrir að hugtakið er notað um fólk sem unnið hefur sér það til frægðar að leika í myndum sem sýna fólk svala sýnum holdlegu hvötum. Þær eru misjafnar og sumt atferli í myndunum særir blygðunarkennd sumra annarra ekki. Því er vafasamt að mínu mati að kalla leikkonuna klám stjörnu því þetta er jú bara klám fyrir sumum öðrum ekki. Hinsvegar eru þessar myndir fyrir mér bara eins og kúrekamyndirnar leiðinlegar og án innihalds.

Styttingur (IP-tala skráð) 7.8.2008 kl. 23:27

Ég get ekki staðist það að bæta einni tilgátu inn í þessa umræðu. Í BNA þar sem ungfrú Jameson iðkar iðju sína er sá iðnaður kallaður á frummálinu ,,Porn industry" og hefur því hingað til verið snarað yfir á íslenskuna sem ,,klámiðnaður" og erlendis er ungfrú Jameson titluð sem stjarna innan þessa iðnaðar þ.e.a.s. að hún hefur unnið sér inn mikla frægð. Og myndi þá það útleggjast sem ,,porn Star" á enskunni. Þar af leiðandi myndi hún vera titluð ,,klámstjarna" hér á landi á okkar tungumáli.

Og það að hún sé titluð þetta hér á hinu "virðulega" mbl.is er ekki að valda mér vandræðum. Hinsvegar er mér smávegis spurn hvað Jóhannes hérna myndi vilja að hún væri kölluð eða titluð?

Og hvort að það sé klám hlutinn eða stjörnu parturinn sem sé óviðeigandi?

Skaz, 7.8.2008 kl. 23:41

Akkúrat..... Hvernig er þetta með þig Jóhannes?

Styttingur (IP-tala skráð) 7.8.2008 kl. 23:52

Klám er vont. Þa særir og meiðir bligðunarkennd þína. Það er bara spurningin hvað er það sem vekur þessar óþægilegutilfinningar hjá þér. Þá er það kám fyrir þér en ekki endilega öðrum. Hinsvegar getur verknaðurinn verið svo svakalegur að hann veki andstyggð næstum allra þá er hann klám.

Styttingur (IP-tala skráð) 7.8.2008 kl. 23:55

Fyrir flestum. Einfallt?

Styttingur (IP-tala skráð) 7.8.2008 kl. 23:56