Enginn veit hvað átt hefur fyrr en misst hefur

Enginn veit hvað átt hefur fyrr en misst hefur. Þessi sígildu orð rifjast nú upp meðan Rússar eru í óðaönn að hella sprengjum yfir frændur sína í Georgíu. Ekki þarf að orðlegnja, að svonalagað hefði ekki gerst meðan Sovétríkin voru og hétu, allrasíst þegar sá góði Jósef Stalín var við stjórnvölinn enda var hann sjálfur frá Georgíu. Við skulum ekki gleyma því, börnin mín, að mikilmennið Jósef Stalín er einhver mesti velgjörðarmaður alls mannkyns, en það var hans verk fyrst og fremst, að viðurstyggilegi fylgifiskur kapítalismans, nasisminn, var kveðinn niður í heimsyrjöldinni síðari og óskabarn auðjöfra heimsins og herganaframleiðenda, Adólf sálugi Hitler, hrökklaðist frá völdum.

Rússar gera árás á Gori

Athugasemdir

[Fannar frá Rifi, 11.8.2008 kl. 01:23]

já og útrýma 50 til 60 milljónum manna, heilu þjóðunum og þjóðarbrotunum. Dolli nær ekki að komast með tærnar þar sem Stalín átrúnaðargoð þitt er með hælana í djöflaskap og viðbjóði. Helförin gegn gyðingum er eins og leikvöllur við hliðina á gúlökunum hjá Stalín. 

er kapítalisminn svo slæmur að þú ferð og dýrkar djöfulin sjálfan?

[Níels A. Ársælsson., 11.8.2008 kl. 01:26]

Hvað er Fannar frá Rifi eiginlega að tala um ?

[Jóhannes Ragnarsson, 11.8.2008 kl. 09:30]

Óskaplegt óráðhjal er þetta í ykkur strákar mínir, Fannar og Guðjón. Þið verðið nauðsynlega að kynna ykkur staðreyndir málsins í staðin fyrir að lepja upp einhverjar hráar og órökstuddar kapítalistalygar. Svo verið þið líka að hafa hugfast, að ágirndin, kapítalisminn, er undirrót allra lasta, eins og Hallgrímur sálugi Pétursson segir í Passíusálmunum.

Það er þyngra en tárum tekur að verða vitni að fáfræði ungs fólks í dag. En við verðum að fyrirgefa því, Nilli, það veit ekki betur því það kaupir auðvaldslygarnar án þess að depla auga. En svona fer þegar æskumenn kjósa að gera lygina að leiðtoga lífs síns. En Stalín var mikilmenni, það verður aldrei af honum skafið.

[Þórdís Bára Hannesdóttir, 11.8.2008 kl. 10:04]

Stundum finnst mér svo erfitt að að vita hvort og hvenær þú ert að grínast. Það er eiginlega vandræði en ég reyni mitt besta. 

[Hafsteinn Viðar Ásgeirsson, 11.8.2008 kl. 10:14]

..engin gamanmál hér á ferðinni Þórdís Bára.

[Jóhannes Ragnarsson, 11.8.2008 kl. 20:04]

Jósef heitnum Stalín byrjar fagurt umtal en ekki háð og spé. Pottormana sem skrifuðu níð hér af ofan um Stalín ætti náttúrlega að kaghýða eins og hverja aðra óknyttastráka fyrir orðbragðið.