Bersöglismynd um forleik að getnaði

Bölvaður óþverri er þetta. Hvernig getur nokkur lifandi maður, nú eða kona, lagst svo lágt að skrifa skítugan róman um Múhameð spámann og eiginkonu hans. Svona geðslegt tiltæki er hliðstætt því að eitthvert illmennið (eða illkvendið) tæki sig til og gerði bersögliskvikmynd um forleikinn að getnaði Frelsarans. Ég er algjörlega á móti listiðnaði sem gengur útá að hræra saman á óviðurkvæmilegan hátt, viðbjóðslegri lostasýki og heilögum trúarbrögðum milljóna og aftur milljóna manna. Þeir sem slíkt gera eru Guði viðurstyggð og verður í eldsofninn kastað.

„Ljósblátt klám“

Athugasemdir

[Villi Asgeirsson, 11.8.2008 kl. 21:27]

Uh... grín? Hvað er heilagt við trúarbrögð? Hvað er heilagleiki annars?

[Jóhannes Ragnarsson, 11.8.2008 kl. 21:34]

Það grínast enginn með svona hluti, Villi minn. Trúarbrögð eru heilög að því leyti, að þau eru nokkuskonar kerfi sem auðveldar fólki leitina að guði sínum. Um heilagleikan er það að segja, að Páfinn í Róm er einatt kallaður ,,Hans Heilagleiki." Svo mörg eru þau orð ... jamm ...

[Villi Asgeirsson, 11.8.2008 kl. 21:41]

Ertu með eitthvað eyðublað eða krossakerfi sem ég get notað til að finna guðinn minn? Hann er bara alveg ofboðslega týndur.

[Jóhannes Ragnarsson, 11.8.2008 kl. 21:53]

Uss, það er ekkert eyðublað eða krossapróf; farðu bara út á lóð og leitaðu samkvæmt kenningunni: ,,leitið og þér munuð finna." Hver veit nema guðinn þinn leynist í miðju blómabeðinu eða bak við njólaþyrpingu.