Íhaldsbarnaháskólinn í Reykjavík kánterstrækar

Það verður að segjast eins og er, að keppni í tölvuleikjum er ákaflega við hæfi íhaldsbarna sem stefna að prófgráðu frá hinum svokallaða ,,Háskóla Reykjavíkur." Þessir innatómu kjúklingar verða náttúrlega aldrei menntað fólk, einungis prófgráðuhafar, en þessháttar pírumpár á ekkert skylt við menntun hafi einhverjum dottið það í hug. Best væri, ef hin litlu jakkafataklæddu auðvaldsskinn bæru gæfu til að halda sig við tölvuleikinn counterstrike frá morgni til kvölds allt til æviloka því þá eru minni líkur á að þau geri eitthvað alvarlegt af sér þegar fram líða stundir. Það er ljóst öllu vitibornu og góðviljuðu fólki, að t.d. stjórnmálaþátttaka ómenntaðra prófgráðuspjátrunga frá Íhaldsbarnaháskólanum í Reykjavík getur aldrei endað nema á einn veg: með slysi og það harkalegu. Eða dettur einhverjum í hug að Íslendingar þurfi fleiri stjórnmálamenn af sama kalíberi og Siggi Kári, Guðlaugur Þór, Katrín Jakobs, Birgir Ármanns, Ágúst Ólafur og Valgerður Sverrisdóttir frá Lómatjörn? Guð forði okkur öllum frá slíkum munaði.

Spila tölvuleiki alla helgina

Athugasemdir

[Baldvin Mar Smárason, 16.8.2008 kl. 02:21]

Þú angar alveg að fordómum.

Stundum er betra að halda sig til haga, þegar maður veit ekkert um efnið sem skrifað er um í fréttinni.

Keppni í tölvuleikjum er í rauninni ekkert ósvipuð keppni í hrað-skák.

Það þarf fulla einbeitingu, framsýni og skarpa hugsun.

[Finnur Hrafnsson, 16.8.2008 kl. 07:04]

Þetta hlýtur að vera grín..... ekki satt?

[Helgi S. Karlsson (IP-tala skráð) 16.8.2008 kl. 09:04]

Merkilegt nok. Maður spáir í því hvort þú sért einn af þeim bloggurum sem skrifar vanhugsað háð og spott einungis til þess að vekja athygli og fá sem flestar lesningar á bloggið þitt.

Ef að baki þessu liggur ekki einhver afbjöguð löngun til frægðar sem bloggari er hér því miður um fátt annað en þröngsýni og fávisku umbúna skrautmáli að ræða.

Eða svo er mín skoðun, svo maður falli ekki í sömu grifju og þú herra minn að alhæfa út í bláinn.

[Helgi S. Karlsson (IP-tala skráð) 16.8.2008 kl. 09:08]

afbökuð*

[Helgi S. Karlsson (IP-tala skráð) 16.8.2008 kl. 09:09]

gryfju* Hvar er kaffibollinn minn?

[Jóhannes Ragnarsson, 16.8.2008 kl. 09:59]

Svona, svona, strákar mínir. Ég held, svei mér þá, að þið séuð haldnir illvígum stuttbuxnakomplex, sem þarfnast sálfræðilegar meðferðar, fyrst þið sjáið ekki í gegnum fánýti Íhaldsbarnaháskólans í Reykjavík. Ég veit um ágætan sálfræðing sem kann lagið á að lækna andlega meinsemd eins og fyrrnefndan stuttbuxnakomplex, sem er í vísndalegum skilningi hættuleg tegund af geðkrabba. Þessi sálfræðingur heitir Pétur Tyrfingsson og er vanur að taka sjúklingum með stuttbuxnakomplex opnum örmum ... og lækna þá.

[Hafsteinn Viðar Ásgeirsson, 16.8.2008 kl. 11:21]

....mér finnst þú gera Lómatjarnarfrúnni óþarflega hátt undir höfði, er það ekki......hélt að hún hefði ekki einusinni skólagöngu til að státa af?

[Leifur Finnbogason, 16.8.2008 kl. 14:32]

Ég er sammála flestum öðrum en Jóhannesi, og bið endilega um sálgreinimat á honum.....nú, eða bara gott spark í rassinn og kennslu í almennri skynsemi.

[Helgi S. Karlsson (IP-tala skráð) 16.8.2008 kl. 16:58]

Þurfum við sálfræðimeðferð já? Nei kallinn, ég sem einn með B.A. í slíku og á leiðinni í framhaldsnámið góða tel að þú sért sá sem þarf á því að halda.

En nei, læt það svo sem vera. Það myndi nefnilega vera til voða lítils. Sálfræði gráða eður ei les ég greinilega úr síðasta svari þínu ákveðna týpu; týpu sem kallar ekki til fleiri en þetta svar af minni hálfu. 

Þú ert að mínu mati þessi týpa sem finnst einstaklega skemmtilegt að slá um þig orðaskrúði og nýtur í leiðinni því frelsi og þeirri fjarlægð sem internetið hefur upp á að bjóða til þess að vera með berorðari framsetningu á skoðunum þínum en ella. Einnig sé ég og skil að þú gerir það viljandi til að vekja upp viðbrögð lík þeim sem þú hefur fengið við þessum alhæfingarpóst þínum fullum af kaldhæðni, sem og fylgjandi svörum.

Að reyna að rökræða um málefni af alvöru við slíkar týpur er firra sem ég mun láta í friði.

Njóttu heill og hafðu gaman af. Ég mun allavega láta það í friði að svara þér frekar þar sem það myndi ekkert hafa í för með sér nema frekara rugl og kaldhæðni.

[Jóhannes Ragnarsson, 16.8.2008 kl. 17:52]

Það er nú það Hafsteinn. Ég gat bara ekki fengið mig til þeirrar mannvonsku, að gleyma garminum honum Katli, þ.e. stúlkunni frá Lómatjörn, merkisbera og varðhundi Halldórstímabilsins alræmda. Trúlega er hún gjörsamlega ómenntuð, blessunin, en þó ekki svo að hún standi ekki hvaða  prófgráðuhafa frá Íhaldsbarnaháskólanum í Reykjavík á sporði hvað menntun áhrærir.

Helga S. Karlssyni þakka ég kærlega fyrir ,,sálgreininguna" það er allra skemmtilegasta þula og alveg áreiðanlega vísir að efni í doktorsritgerð, ef pilturinn stendur sig vel í framhaldsnáminu.

Samkvæmt mínum uppeldisfræðum er nauðsynlega að þvo Leifi Finnbogasyni vel og vandlega um trantinn með grænsápu, svo óforskammaður sem hann er í orðbragði. 

[Leifur Finnbogason, 17.8.2008 kl. 05:43]

Að gefa spark í rassinn og að þvinga e-n í munnþvott er svona sirka sami hluturinn, í bæði skiptin er hægt að kæra fyrir ofbeldi, svo ég skil ekki alveg hvað þú ert að meina kallinn og vona að þú hlustir nú á hann Helga, maðurinn er nú einu sinni gangandi fróðleiksmoli.