Sungu útfararsálma við Ráðhúsið

Það var svo sem viðbúið, að borgarbúar myndu halda uppá nýjan borgarstjórnarmeirihluta af þróttmikilli gleði um helgina enda kom það á daginn. Stór hópur drukkins fólks kom til að mynda saman fyrir framan Ráðhúsið og söng þekkta útfararsálma til heiðurs Hönnu Birnu og Óskari Bergssyni. Fyrir utan ,,Alt eins og blómstrið eina" söng fólkið lagið um manninn sem sat ofurölvi á knæpunni meðan Villi litli var að andast, ennfremur ,,Ólafur reið með björgum fram," ,,Fjallaskauðaforinginn," ,,Komdu og skoðaðu í kistuna mína" eftir Megas og ,,Ærnar renna eina slóð, eftir sjónum breiðum." Þá voru nokkrir velklæddir Heimdallsdrengir kaghýddir í Fichersundi af tveimur kvótalausum sjómönnum, en það skipti sér enginn af því.

Meðfylgjand mynd er af eina Framsóknarmanninum sem var á ferli í miðborginni í nótt.

Mikil ölvun í miðborginni

Athugasemdir

[Níels A. Ársælsson., 17.8.2008 kl. 14:20]

Hahahahaha...............Þetta með Heimdellingana velklæddu er hreint kostulegt.

Hefði gjarnan viljað vera annar af tveimur kvótalausu sjómönnununum.

Já Jói, mér sýnist myndin vera af Framsóknarmanni sem ég þekti einu sinni og kallaður var Dóri að mig minnir.

[Guðmundur Björn, 17.8.2008 kl. 18:14]

Ha!  Er þetta Ólafur Ragnar??

[Þórdís Bára Hannesdóttir, 17.8.2008 kl. 19:27]

Mig langar svo að vita hvort þú hafir fallega söngrödd.  Ertu tenór? :)

[Frikkinn, 17.8.2008 kl. 20:42]

Myndin minnir á manninn sem lék Bjössa bollu

[Jóhannes Ragnarsson, 17.8.2008 kl. 22:12]

Myndin er af Framsóknarmanni, það er alveg áreiðanlegt; mér er sagt að þeir séu flestir orðnir svona útlítandi uppá síðkastið.

Ég hefi ekki ennþá farið í raddpróf, en ég held að ég ljúgi engu til um að ég sé það sem kallað er mezzósópran.

[Hafsteinn Viðar Ásgeirsson, 18.8.2008 kl. 21:32]