Nútíma móðursýki sykurleðjusálna

Hvað bölvuð læti eru þetta út af tveimur Sönnum Íslendingum um borð í flugvél? Ég sé bara ekkert athugavert við tiltektir þeirra og skemmtununarmáta. Það hefðu sjálfsagt fölnað trýnin á hinu smásmugulega og hneykslunargarna fólki hefið það verið til sjós í gamla daga þegar sjómennska var Sjómennska og áhöfnin slóst baki brotnu allt útstímið. En að gera veður út af öðrum eins smáskítlegheitum og tveimur fjörugum farmönnum, kalla þá flugdólga og eflaust öðrum ósanngjörnum ónefnum, ber sterkan keim af nútíma móðursýki, sem er mun ógeðfelldari en gamla móðursýkin. Ég segi fyrir mig, að ég hefði af sannri gleði viljað vera farþegi í flugvélinni með hinum Sönnu Íslendingum og njóta þess að sjá þá hneyksla og terroríséra pempíurnar og sykurleðjusálirnar, sem hafa hvorki hæfileika né sálarþroska til að samgleðjast einum eða neinum.

Tveir flugdólgar leiddir burt í járnum

Athugasemdir

[Urður, 19.8.2008 kl. 18:47]

Þetta voru tveir Bretar

[Jóhannes Ragnarsson, 19.8.2008 kl. 19:02]

Mikið mega Íslendingar skammast sín fyrir að það þurfi Breta til að halda upp ásættanlegum ferðagalsa milli Manchester og Keflavíkur. En þökk sé Bretunum tveim fyrir að leggja á sig að sýna teprulegum Íslendingum örlítið brot af sannri karlmennsku.