Jóhannes Ragnarsson

19.8.2008 | 21:00

Hryðjuverkaógnin er til staðar í raun og veru

Það munaði ekki miklu að ég fylltist örvæntingu, hreinni og beinni sálarangist, við að lesa um óguðlegt framferði mannsins á Suðurnesjum sem tók að sér sprengikúlu sem brúkast skal við sprengjuvörpu. Það þarf meira en venjulega forherðingu, að láta sig hafa að sofa á slíkri vítisvél til margra ára, og vandséð hvað maðurinn hefur haft útúr að leggja heimili sitt undir svo válegan innanstokksmun sem að öllu jöfnu er notaður til mannvíga. Þá vaknar líka upp spurningin um hvort maðurinn hefur á einhverju tímabili hugsað sér til hreyfings með sprengikúluna í terrorískum tilgangi. Þá er óhætt að ætla, að fyrst hann afhenti lögreglunni eina kúlu, að hann kunni að eiga fleiri - ef til vill mikin fjölda, heila glás - og jafnvel tæki til að kasta kúlunum langar leiðir. Ég trúi því að þetta sé uppákoma sem dómsmálaráðherra og lögreglustjóri ríkisins kunna að meta að verðleikum, enda er þeim umrfram allt umhugað að vernda borgarana fyrir aðsteðjandi hryðjuverkaárásum. Við getum líka gert okkur í hugarlund hvað hefði getað gerst ef handhafi sprengikúlunnar (eða sprengikúlnanna) hefði verið skapvondur og illskeyttur ruddakarl, jafnvel talíbani, og reiðst við nágranna sinn. Hann hefði, frómt frá sagt, hlaupið inn til sín, sótt vítisvélina og kastað henni innum stofuglugga nágrannans til að jafna reikningana. Auðvitað hefði maðurinn, sem nú er kominn á sjötugsaldur, getað framið ýmiskonar önnur hryllileg ódæðisverk, sem of langt er upp að telja, með vopni sínu. Það hlýtur náttúrlega hver heilvita maður að sjá, að ekki er nóg fyrir karlinn að skila einni kúlu ef hann á fullan skáp heima hjá sér af samskonar varningi. En það er í verkahring lögreglunnar og sprengjusérfræðinga Landhelgisgæslunnar að rannsaka það.

	Afhenti lögreglu sprengjukúlu
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Ég get vel skilið hræðsluna hjá þér með þetta.

Bandaríkjamenn hafa vart verið að gefa honum þetta nema með því skilyrði að hann beitti sprengjunni gegn kommúnistum.

Pétur Guðmundur Ingimarsson (IP-tala skráð) 19.8.2008 kl. 21:08

Já, Pétur Guðmundur, mig hefur lengi grunað um að það hafi heldur betur verið maðkur í mysunni í samskiptum Bandaríska hersins og Íslendinga. Enda hef ég árum saman haft skothelt gler í öllum gluggum á húsinu mínu og það ekki af ófyrirsynju, skal ég segja þér.

Jóhannes Ragnarsson, 19.8.2008 kl. 21:29

Það getur hver og einn sagt sér það sjálfur, hvað svona kúla hefði getað valdið miklum usla á lögreglustöðinni hefði henni verið skotið þangað inn frá bílskúrnum á móti.

Jóhannes Ragnarsson, 19.8.2008 kl. 21:47

Hver væri tilgangurinn að skila einni kúlu ef hann ætti fleiri heima hjá sér?

Held að það væri alveg eins ástæða til að rannsaka hvort þú sért með frekari varnir en skothelt gler. Vona bara að þú sért ekki með jarðsprengjur hringinn í kringum húsið til varnar ókunnugum.

Landfari, 19.8.2008 kl. 22:03

Það væri áreiðanlega lang skemmtilegast, Samfari minn góður, að þú prófaðir á sjálfum þér hvort einhverjar jarðsprengjur leynist á lóðinni hjá mér.

Hver væri tilgangurinn að skila einni kúlu ef hann á fleiri heima hjá sér? Nú auðvitað til að afvegaleiða lögregluna ef hann gerði alvöru úr gamni með hinar kúlurnar. Lögreglan færi varla að gruna mann sem væri búinn, með iðrunarsvip á andlitinu, að skila kúlunni sinni.

Jóhannes Ragnarsson, 19.8.2008 kl. 22:10

Það er áhyggjuefni að manninum hafi verið sleppt möglunarlaust. Ég finn megna skítalykt af þess máli. Kanarnir hafa alltaf verið slóttugir.

Sigurður Sigurðsson, 19.8.2008 kl. 23:24

Jóhannes! Ertu að tala í alvöru eða ertu ekki bara að djóka með þetta mál?

Svo eru kommentin hér að ofan sérlega laus við allt sem heitir gáfur. Er ekki alt í lagi með ykkur????

Í fyrsta lagi er þetta engin frétt. Í öðru lagi var þetta BARA sprengikúla. Ég lék mér að svona dóti þegar ég var krakki.

Skemmtilegast var þegar maður fann fallbyssukúlur. Þá tók maður kúlina úr hylkinu og boraði gat neðst á skothulsuna.

Svo fór mikill tími í að pússa þetta upp svo það varð spegilgljándi. Ég lagði það á mig að lagði það á mig að læra að gera lampaskerma af þessum sökum.

Ég bjó í gamla braggahverfinu við bústaðveg þar sem yfirmenn hersins höfðu haft sem bústaði og skrifstofur.

Það var endalaust mikið til af sprengikúlum, fallbyssukúlum og 9mm skotfærum og einsta sinnum fundum við krakkarnir .45 cal skotfæri.

Að fara með skotfæri og vopn til íslensku lögreglunnar gera bara asnar.

Skítafýlan af Sigurði Sigurðsyni leggur langar leiðir.

Alveg makalaust hvað allt þarf að vera dularfullt og "slóttugt" á Íslandi. Eiginlega skiptir engu máli hvað málefnið snýst um.

Alla vega verð ég að viðurkenna eina staðreynd og er búin að fá pottþéttar sannair fyrir því líka.

Ég er hálviti, og eingöngu vegna þess að ég var svo óheppin að fæðast á Íslandi. 1962 var svo mikið af þessu vopnadrasli liggjandi út um allt, að það hefði þurft sér dagblað til að tyggja "fréttirnar" ofan í fólk.

Jóhannes! Hvernig fer maður að því að setja "iðrunarsvip" á andlit á sér?

Eru til teikningar eða leiðbeiningar um hvernig þetta er gert? Eru til námskeið til að læra "iðrunarsvip"!

Alla vega, þá voru krakkarnir í Kamp Nox og Bústaðahverfisbröggunum betur vopnuð enn lögregla á þeim tíma.

Ég var bara 7 ára þegar ég reyndi að skjóta lögreglumann í fyrsta skiptið. Með boga. Örin stakkst í lögreglubílinn. Þá fóru þeir...

..meira bullið um nákvæmlega ekki neitt. Og nú sjáiði hversu heimskur ég er! Að yfirleitt kommentera á svona þvælu um ekkert!

Eina afsökuninn sem ég get komið með, er að ég er íslendingur og þar með á röndinni að vera vangefin..eins og restin af íslendingum eru..

Ég hefði aldrei skilað þessaeri kúlu. Ég hefðu sprengt hana sjálfur á gamlárskvöld! Annars fyrir þá sem hafa áhuga, er hægt að gera svaka sprengjur úr appelsínuberki, eter og áburði sem notaður er af bændum..

Það vantar bara forsíðufrétt á Íslandi eitthvað í þessum dúr. "maður handtekinn með hnif og gaffal og er hann grunaður um að hafa ætlað að nota hnífapörin í "vafasömum" tilgangi..