Ólafur F. ahjúpar skítlegt ráðabrugg

Það er aldeilis fyrirtak og bráðnauðsynlegt hjá Ólafi F. að ahjúpa hráslagalegt ráðabrugg fyrrverandi samverkafóks síns, svipta tjöldunum frá og leyfa háttvirtum kjósendum, sér til varnaðar, að sjá brot af hrunadansi Sjálfstæðisflokksins í Reykjavík. Og ekki vorkenni ég hinni skapprúðu Hönnu Birnu, og hennar fræknu meðreiðarsveinum og meyjum, að standa þrútin og sveitt allan sólarhringinn í að stympast við Ólaf F. Borg, og þurfa jafnvel grípa til þess óyndisúrræðis að verja sig og sína með því að kalla hann lygara í þeiri einlægu von að þessháttar málflutningur hrífi.

Fjöldauppsagnir ekki á döfinni hjá borginni

Athugasemdir

[Árni Gunnarsson, 19.8.2008 kl. 22:00]

Borgarstjórnarfulltrúarnir eru ábyrgðarlaust lið og nauðaómerkilegt fólk í mínum augum. Þar er enginn undanskilinn. Það er öllum ólíkindum ólíklegra að nokkurri borgarstjórn muni héðan af takast að hnekkja öllum þeim metum í ómerkilegu plotti, lygum og undirhyggju sem þarna hefur verið stundað af öllum þessum hópi til þessa. Sá meirihluti sem nú er í augsýn að taki við n.k. fimmtudag er annar af tveim kostum sem búið var að undirbúa ef trúa má  þessa fólks eigin orðum.

Og nú hefur það verið upplýst að það var ekki Ólafur Friðrik sem keypti timburskúrana neðst á Laugaveginum. Þeir samningar voru verk gamla, góða Villa! En til að rugga ekki bátnum í borgarstjórninn tók Ólafur við öllum skömmunum út af gerningnum. Þakkirnar voru svo eins og allir sjá í dag og í samræmi við innræti þessa ágæta fólks.

[Hafsteinn Viðar Ásgeirsson, 19.8.2008 kl. 23:13]

"Útlitið er innrætinu skárra og er hann þó með ófríðari mönnum"