Það er ódrengilegt að espa fólk upp í guðshúsi

Þó að Björk Guðmundsdóttir sé drengur góður þá finnst mér einhvern veginn ódrengilegt af henni að espa upp varnarlausa virkjana- og álverssinna og skaprauna þeim með tónleikahaldi í guðshúsi. Það má vel vera, að Björk viti ekki að Guð sjálfur Almáttugur er flokksbundinn í Sjálfstæðisflokknum og líka Framsóknarflokknum og þar með séu öll náttúruverndarumsvif af hennar hálfu í Heilögu Musteri guðlast í grófari kantinum. En sé hún í öllu upplýst um flokksaðild Drottins að áðurnefndum tveimur álvera- og virkjunarflokkum er framferði hennar forhert og ófyrirgefanlegt, drottinssvik sem ekki er hægt að líða. Eð stefnir hún ef til vill að því að byskubinn verði að ómaka sig við að vígja Langholstkirkju, Langholtskórinn og Jón Stefánsson uppá nýtt, en þessháttar helgiathöfn er síður en svo hrist fram úr erminni.  

Björk með tónleika í Langholtskirkju

Athugasemdir

[Jóhannes Ragnarsson, 23.8.2008 kl. 10:45]

Ójá, Langholtskirkja ku vera ágæt til tónlistar og það svo, ef mig misminnir ekki því meir, að sjálfum sóknarprestinum í Langholtssókn var meinaður aðgangur að þessu framúrskarandi tónlistarmusteri.