Gull er óhollt fyrir litla rígmontna þjóð

Ekki held ég að sé hollt fyrir eina litla rígmontnaþjóð að vinna gullverlaun í handknattleik á Ólympíuleikum. Það gæti til dæmis valdið því, að allrahanda fífl og og glæframenni tækju uppá að ofmetnast með ófyrirsjáanlegum og hrikalegum afleiðingum. Í þessu sambandi eru hlandóðir gróðasóttarbósar í útrásarhugleiðingum í hvað mestri hættu því þessháttar mannkynsfrelsurum er um megn að þekkja sinn vitjunartíma. Svo gætu gullverðlaun í fyrramálið hleypt nýju lífi og það heldur ófögru í nasistíska þjóðernissinna, sem myndu hiklaust túlka umrædd gullverðlaun á þá leið að íslensk-aríski kynstofn væri öðrum kynstofum æðri og hefjast þegar í stað handa við að reka alla útlendinga af landi brott, einkum þá sem eru dekkri á hörund en ljóshæðrir og freknóttir ofuríslendingar. Nógu slæmt hefur verið að þurfa að burðast með frjálshygguslektið á umliðnum árum svo ekki bætist við í áberandi magni hitlerískur gorgeirsaðall úr herbúðum hægrimanna. 

„Ég vil fá gullið og þjóðsönginn“

Athugasemdir

[Sóley Valdimarsdóttir, 23.8.2008 kl. 11:21]

Ég las þessa færslu 2x og ákvað svo að lesa fleira sem þú hefur skrifað hér á síðunni til að reyna skilja hvert þú ert að fara. En ég er samt ekki að fatta. Hvernig getur þú blandað saman íslenska handboltaliðinu, velgengni þess og nasistíska þjóðernissinna (eins og þú orðar það)????????

[Brjánn Guðjónsson, 23.8.2008 kl. 12:10]

hahaha

í þessu leynist þó sannleikskorn

[Jóhannes Ragnarsson, 23.8.2008 kl. 14:19]

Þú þekkir ekki nasistísku þjóðernissinnana, Sóley mín góð. Þetta eru dýr en ekki menn. Og það aumingjans fólk, sem er svo óheppið að vera útlendingslegt í útliti frá náttúrunnar hendi, ætti að hafa vaðið fyrir neðan sig gagnvart þessum óaldarlýð. Jamm og já, og það er nú það ...