Höfðu gullið af Íslendingum

Það varð heldur betur uppi fótur og fit í herbúðum Sjálfstæðisflokksins þegar Íslendingar gerður sér hægt um vik og unnu Spánverja í undanúrslitum Ólympíuleikanna á föstudaginn. Það voru ekki úrslit leiksins sem slík sem röskuðu sálarró Sjálfstæðismanna heldur hvernig forseti Íslands, Ólafur Ragnar Grímsson, baðaði sig uppúr sviðsljósinu með því að taka þátt í fagnaðarlátum Íslensku leikmannana. Og ekki geðjaðist Valahallarklíkunni hedur að, hvernig fjölmiðlar hömpuðu Ólafi Ragnari á þessum bjarta föstudegi. Var því brugðið á það ráð, að senda frú Þorgerði Katrínu á einu gandreiðarstökki til Peking til að koma í veg fyrir að forsetinn eyðilegði handboltagleði Sjálfstæðismanna og taka sjálf það bað í sviðsljósi fjölmiðlanna sem Sjálfstæðisflokknum væri boðleg. En því miður: Íslensku landsliðsstrákunum varð svo um skyndilega nærveru menntamálaráðherrans, að þeim féll allur ketill í eld og náðu sér aldrei á strik í leiknum um gullið. Þar með má ljóst vera að Sjálfstæðisflokkurinn hafi ekki einungis komið í veg fyrir að Ólafur Ragnar kæmi við sögu á sjónvarpsskjám landsmanna í tengslum við úrslitaleikinn, heldur höfðu þeir gullið af strákunum með fáheyrðum buslugangi og vondum straumum.    

Árangur Íslands skiptir miklu máli

Athugasemdir

[Villi Asgeirsson, 24.8.2008 kl. 20:10]

Alltaf skulu sjallarnir vera fyrir...

[Jóhannes Ragnarsson, 24.8.2008 kl. 21:08]

Já, og Ólafur Ragnar fyrir Sjöllunum ...

[Kristín M. Jóhannsdóttir, 24.8.2008 kl. 21:37]

Hahahahaha. Góður.

[Haraldur Bjarnason, 24.8.2008 kl. 22:02]

Það átti að kyrrsetja þessa kerlingu Jói suður í Hafnarfirði. Þar hefði hún getað nuddað sér upp úr gömlum tapbúningi frá landsliðsárum karlsins síns,....en annars þetta var frábær árangur hjá drengjunum. - Ísland er stórasta land í heimi!