Síríus, Þór, Útigangsmenn, Velferðarspjátrungar

Hvern fjárann sjálfan var gamla stríðsskipið Þór að gera mannlaust við akkeri úti á Hvalfirði? Það er helst til óskemmtilegt, að ég ekki segi niðurlægjandi og háðulegt, fyrir aldrað frægðarfley að vera skilið eftir eins og ósjálfbjarga niðursetningur útí horni. Og ekki vantar að fyrrum varðskipið Þór gæti þjónað miklu hlutverki ef allt væri með felldu. Fyrir mörgum árum var stafræktur í Reykjavíkurhöfn togarinn Síríus og hans hlutverk var mikið þá hann var og hét. Þar um borð bjuggu allir helstu gleðimenn Reykjavíkurborgar, áttu þar athvarf og stunduðu kogaraþamb og kökudropanautn af þeirri alúð sem slíkri iðju ber. Því er minningin um Síríus rifjuð upp hér, að fyrir fáum dögum kom upp um fáheyrðan slóðaskap Velferðarsviðs Reykjavíkur í málefnum útigangsmanna. Það kom sem sé á daginn að húsnæði, sem ætlað var þeirri stétt manna sem smáborgaraháttur tíðarandans kallar útigangsmenn, væri gjörsamlega úr sögunni, í bil að minnsta kosti. Það má undrum sæta, að velferðarsérfræðingar borgarstjórnar hafi ekki gripið til þess ráð, að láta sigla varðskipinu Þór til hafnar í Reykjavík og munstra alla ,,útigangsmennina" á dallinn í snarhasti. Þetta vítaverða sleifarlag sannar, svo ekki verður um villst, að velferðarspjátrungarnir undir forsæti Jórunnar Frímannsdóttur eru ekki stafi sínu vaxnir þegar skjótra aðgerða er þörf. 

Líkur á að Þór strandi

Athugasemdir

[Haraldur Bjarnason, 29.8.2008 kl. 13:32]

Mæltu heilastur Jói

[Villi Asgeirsson, 29.8.2008 kl. 14:57]

Vilja formenn smáborgaranna ekki bara setja rakspírakallana um borð í Þór? Hefðu þeir vitað af yfirvofandi strandi í tíma hefðu þeir án efa smalað þeim saman og rekið um borð. Þannig hefði "vandinn" verið leystur í þeirra augum.

[Valbjörn Júlíus Þorláksson, 29.8.2008 kl. 15:18]

Það er nú bara verið að taka upp hryllingsmynd í því :)  Frí hjá kvikmyndatökufólki í dag vegna veðurs..

 Reykjavik Whale Watching Massacre

http://www.imdb.com/title/tt1075749/

[Jóhannes Ragnarsson, 29.8.2008 kl. 16:51]

Það væri aldeilis í anda velferðarhyggju Sjálfstæðisflokksins að leysa húsnæðisvanda fársjúkra alkahólista með því að sópa þeim um borð yfirgefinn ryðkláf í einhverjum afkima Reykjavíkurhafnar.