Ég held maður þekki nú Söru Palín

Ójá, piltar mínir, maður kannast nú við Söru Palín, kerlingarræxnið svorna. Við sem vorum samtíða henni á vetrarvertíð vestur á fjörðum munum seint gleyma þessum ágenga kvenpeningi. Þegar við strákarnir komum af sjónum beið hún á bryggjunni í allri sinni reisn og bauð uppí brattan dans hverjum sem verða vildi. Og vinsæl var hún, það verður ekki af henni skafið og þókti gott að dreypa á óblönduðum vodka, og smellpassar því eflaust í framboð fyrir Repúblíkanaflokkinn í Amríku. Þó var hún almennt ekki vel þokkuð í hópi giftra kvenna og ekki að ástæðulausu, það get ég svarið. Þegar hún mátti vera að því að mæta í vinnu í frystihúsinu snyrti hún og pakkaði eins og ólm tröllskessa með hrossavírus þangað til allur fiskur var upp urinn. Svo einn góðan veðurdag var þessi heillandi valkyrja á bak og burt og í hönd fóru daprir dagar í verstöðinni og okkur strákunum hætti að hlakka til að koma í land.

Hver er Sarah Palin?

Athugasemdir

[Þórdís Bára Hannesdóttir, 29.8.2008 kl. 18:05]

Fróðlegt.

[Ingibjörg Friðriksdóttir, 29.8.2008 kl. 19:12]

Skyldi Brattur vita af þessu?

[Jóhannes Ragnarsson, 29.8.2008 kl. 21:30]

Hvaða Brattur er það? Er það einhver repúblíkani?

[Hafsteinn Viðar Ásgeirsson, 29.8.2008 kl. 22:08]

Öruggleg..

[Hafsteinn Viðar Ásgeirsson, 29.8.2008 kl. 22:10]

Michael Jackson, afmælisbarn dagsins hefði nú orðið fínn varaforseti líka ?

[Ingibjörg Friðriksdóttir, 30.8.2008 kl. 16:32]

Brattur er bloggvinur minn og hann er örugglega ekki kani, hvorki amerí eða repúblik

[Hafsteinn Viðar Ásgeirsson, 30.8.2008 kl. 19:34]

Nei hann Brattur er alveg innmúraður Íslingur....og bloggvinur okkar beggja...