Vélarvana fúahrip

Það kemur mér verulega á óvart að Friðrik Sóph verði ekki nema 65 ára í október. Ég hélt nefnilega að hann væri kominn vel á níræðisaldur því mér var sagt einhverntímann í vetur að hann væri fyrir nokkru hættur að bleyta smjörið, karlanginn. En það skiptir svo sem engu máli þó Friðrik hrökklist úr forstjórastóli Landsvirkjunar, maður kemur í manns stað; einn kemur þá annar fer og enginn er ómissandi, þrátt fyrir allt. Að sjálfsögðu verður vélarvana Sjálfstæðisfúahripi plantað niður,af faglegum ástæðum, í forstjórahægindið í stað Friðriks. Berast böndin mjög þessa dagana að fáeinum ráðherrum Sjálfstæðisflokksins, sem farnir eru að ofhitna og munu bræða úr sér innan skamms ef ekkert verður að gert, að setjast í helgan stein Landvikjunnar. Annars er starf forstjóra Landsvirkjunnar afar gefandi og fjörugt, sérstaklega í þeim tilfellum þegar þarf að stugga suðþráum bændum burt af jörðum sem nauðsynlegt er að sökkva undir vatn í virkjunarskyni. Þá er ekki síður líflegt á Landsvirkjunarkontórnum þegar kemur að því að semja við skuggaleg erlend stórfyrirtæki um rafmagnssölu á góðum prísum þegar reisa skal álver.    

Starf forstjóra Landsvirkjunar auglýst

Athugasemdir

[Kristinn Sigurjónsson, 31.8.2008 kl. 00:19]

Þú gerir þér grein fyrir að þetta er verndaður vinnustaður og búið er að velja skónúmerið sjá blogg. http://kristinnsig.blogg.is/blogg/kristinnsig/entry/629683

[Jóhannes Ragnarsson, 31.8.2008 kl. 00:38]

Já, ég geri mér grein fyrir að þetta er verndaður vinnustaður. Þó það nú væri!