Ískyggileg flagðkona

Það virðist sem repúblíkanaflokkurinn í Bandaríkjunum hafi heldur betur keypt köttinn í sekknum með því að velja Söru, vinkonu okkar, Palin sem varaforsetaefni með karlskarfinum Jóni Makkein. Sara átti víst að vega upp meðalaldur forseta- og varaforsetaefna reppana og lappa uppá hina fögru ímynd repúblíkanakristindómsins og höfða til ungs fólks og kvenna. En nú er að koma í ljós, að undir sauðargæru vertíðarstúlkunnar Söru lifir og dafnar sitthvað ískyggilegt, gott ef ekki flagðkonulegt. Fyrir það fyrsta var karlinn hennar tekinn moldfullur á bíl fyrir 22 árum, sem bendir til að maðurinn sé slordóni og sluddmenni. Þá ku Sara sjálf vera grunuð um valdníðslu og spillingu, ennfremur að hafa stokkið frá nýfæddu barni sínu á þriðja degi til að framagosast, velta sér uppúr spillingarvilpunni og valdníða. Og til að kóróna ófögnuðinn, er 17 stelpugelgja, dóttir Söru, illa þunguð eftir rauðhærðan strákslána. Á dauð sínum áttu vammlausir repúblíkar fremur von en að Sara væri slíkt önglarassgat. En þeir vera að krafla sig framúr þessum ógöngum, einir og óstuddir og það vefst varla fyrir þeim frekar en innrásin í Írak.    

Uppljóstranir um Söruh Palin valda óróa

Athugasemdir

[Vésteinn Valgarðsson, 2.9.2008 kl. 21:44]

Æi, hún verður örugglega fínn varaforseti. Heldurðu það ekki?

[Jóhannes Ragnarsson, 2.9.2008 kl. 22:12]

Ég efast ekki eitt andartak um Sara verður fínn varaforseti, að minnsta kosti á sína vísu.

[Baldur Fjölnisson, 3.9.2008 kl. 17:30]

Hún segir að Íraksstríðið sé "task from god" og er þar á alveg sömu línu og Bush og ávaxtakökur í kringum hann. Einnig vill hún meina að guddi vilji fá ákveðna olíuleiðslu í Alaska til að sameina fólk og fyrirtæki. Þessi helv. steypa í amríkunni er fyrir löngu komin út úr hefðbundinni pólitík og inn á verksvið geðlækna.

[Ingibjörg Friðriksdóttir, 3.9.2008 kl. 21:28]

ég er alveg ákveðin í því, þ.e.a.s. ef gamli karlinn vinnur, já bíddu hvað ætlaði ég að segja jááááá.

Ég ætla að skreppa yfir og kenna kanakerlingunum hvernig spara megi meydóminn.  (ótímabærar þunganir eiga ekki að eiga sér stað) Og það verður sko Monica sem verður með í för, ef krafist verður sýnikennslu.

[Ingibjörg Friðriksdóttir, 3.9.2008 kl. 21:28]

Já og London Dogs.

[Rannveig H, 4.9.2008 kl. 09:49]

Mér lýst ljómandi vel á geðlækni, Moniku og Londo Dogs fyrir liðið.