Okkar Davíð hogginn í marmara uppá 50-60 metra.

Skítt veri með þó Davíððsstyttan í Flórens fari um koll enda er hún bæði gömul og órafjarri okkur hér norður við ysta haf. Það sem mest er aðkallandi í listsköpun þessa dagana á Íslandi er að okkar Davíð, Davíð Oddsson, verði hogginn í marmara með ógleymanlegum hætti. Ekki væri nein goðgá þó líkneski af þeim góða manni væri uppá 50-60 metra að hæð og staðsettt á áberandi stað í hringiðu lífsins. Og ekki minkaði nauðsyn þess að reisa Hinum Mikla Leiðtoga verðugan minnisvarða eftir að hann rak Samfylkingunni, og öðrum ESB attaníossum, þvílíkan roknalöðrung fyrir nasirnar á Stöð 2 í gærkvöldi, að allt það stóð liggur í valnum ennþá og kemst varla aftur á lappir fyrst um sinn. 

Davíðsstyttan í hættu

Athugasemdir

[Hafsteinn Viðar Ásgeirsson, 19.9.2008 kl. 20:02]

Varðandi þessa hugmynd um marmaralíkneski af goðinu þínu dettur mér í hug saga af einum afkomanda Hannesar Hafstein ráðherra, svohljóðandi, (tekin úr bókinni "já ráðherra.")

Asgeir Hannes Eiríksson þingmaður og pysusali með meiru var langafabarn Hannesar ráðherra. Eitt sinn á pylsuvagnsárum Ásgeirs í Austurstræti hafði Bandaríkjamaður komið þar að, bent á styttuna af Hannesi Hafstein fyrir framan Stjórnarráðið og spurt pylsusalann, hver hann væri.

"Þetta er stytta af langafa mínum" svaraði Ásgeir Hannes stoltur mjög, en komst þó ekki lengra með söguna af áanum því kaninn greip framí og sagði undarlegur á svip; "Oh! Was he the founder of this Hot-Dog Stand?".......

[Jóhann Elíasson, 20.9.2008 kl. 12:51]

Ég held það væri bara nóg að "höggva" hann (Davíð).

[Hafsteinn Viðar Ásgeirsson, 20.9.2008 kl. 15:05]

Og hvað þá? Sleppa marmaranum bara?

[Jóhannes Ragnarsson, 20.9.2008 kl. 15:09]

Við sleppum aldrei marmaranum, hvað sem tautar og raular. Okkar maður skal upp.

[Hafsteinn Viðar Ásgeirsson, 20.9.2008 kl. 19:52]

Sammála Jóhannes, það dugar engin hálfvelgja við þetta, ég veit að hann Jóhann sér það líka á endanum. Í marmarann með hann....

[Villi Asgeirsson, 23.9.2008 kl. 08:57]

Ég vil sjá styttuna á stóru hringtorgi, kannski Hagatorginu. Davíð verður sigurbogi okkar og Hringbrautin Sjansilísei.

Og um pylsusalann. Ég var að spá í það hvort kaninn hafi kannski farið að skoða styttuna þar sem handriti er potað fram. Sem barn hélt ég alltaf að þetta væri byssumaður, en kaninn hefur kannski talið þetta vera pylsu.