Fáræði og lýðræði

Fyrst íbúarnir í Vogum fá ekki að kjósa um hvort þeir eigi að hafa álversraflínurnar hangandi yfir hausnum á sér er einboðið að þeir klippi bölvaðar snúrurnar niður þegar búið verður að hengja þær upp. Það kemur nefnilega fram í fréttinni um þetta mál, að meirihluti hreppsnefndar Voga er staðráðin í að íbúum sveitarfélagsins komi þetta raflínumál ekkert við. Og að sjálfsögðu er svokölluð ,,viljayfirlýsing" milli örfárra meirihlutamanna í hreppsnefndinni og línulagningarsóðanna algjört trúnaðarmál, sem þýðir á mannamáli, að íbúunum varði ekki par um hvort hroðalegir raflínustrengir sveiflist yfir hausamótunum á þeim eða ekki.

Þetta litla og snotra Vogadæmi, sem er aðeins eitt af mýmörgum, sýnir, svo ekki verður um villst, að á Íslandi er fáræði stundað af kappi og án forsjár, en að sama skapi gefinn skítur í lýðræði og þar með íbúana sjálfa. Enda hatast fáræðisrummungarnir við raunverulegt lýðræði og finna því allt til foráttu. Það er síðan umhugsunarefni hvort almenningur gerir sér fulla grein fyrir að á Íslandi ríki fáræði en ekki lýðræði.     

Íbúar fá ekki að kjósa

Athugasemdir

[Villi Asgeirsson, 23.9.2008 kl. 08:50]

Fæstir gera sér grein fyrir því, enda kemur þeim það ekki við.