Velgjörðarmaður þjóðarinnar

Vinur okkar allra, velgjörðarmaður þjóðarinna, Björn Bjarnason dóms- og kirkjumálaráðherra, hefur lög að mæla eins og endranær þegar hann segir ,,að fylla þurfi skörðin" hjá lögreglustjóraembættinu á Suðurnesjum fyrst að Jóhann lögreglustjóri og einhverjir meðreiðarsveinar hans ætla að hlaupast á brott um næstu mánaðarmót. Auðvitað gat Björn ráðherra ekki reiknað með svo lúalegum mótleik af hálfu lögreglustjórans og raun ber vitni. Og þó lögreglustjóraembættið á Suðurnesjum hafi verið auglýst laust til umsóknar þá er ekki þar með sagt að Jóhanni R. sé stætt á að taka þeirri ákvörðun ráðherra svo illa og persónulega, hvað þá að draga aðra starfsmenn með sér frá embættinu. En maður kemur í manns stað, það veit ástmögur alþýðunnar á Íslandi, Björn Bjarnason, manna best. Enda mun honum ekki verða skotaskuld úr að hrista enn betri lögreglustjóra en Jóhann fram úr erminni. Og Björn okkar er skýrmæltur að vand því eftir honum er haft á mbl.is í frétt af brotthlaupi Jóhans: ,,Í því efni þurfi í senn að taka á stjórnsýslulegum og fjárhagslegum þáttum með skýr framtíðarmarkmið í huga og í samræmi við eðlilega verkaskiptingu innan stjórnarráðsins." En meðal annarra orða: Hvernig ætli þetta,  ,,í því efni þurfi í senn að taka á stjórnsýslulegum og fjárhagslegum þáttum með skýr framtíðarmarkmið í huga og í samræmi við eðlilega verkaskiptingu innan stjórnarráðsins" útleggist á venjulegu og skiljanlegu mannamáli? 

Björn segir að fylla þurfi skörðin

Athugasemdir

[Ingibjörg Friðriksdóttir, 24.9.2008 kl. 21:08]

Bjössi á mjólkurbílnum!

[Villi Asgeirsson, 25.9.2008 kl. 07:41]

Ég hélt alltaf að það þyrfti þrjá lögfræðinga á kaffiþambi til að búa til svona setningu, en Bangsi getur það bara læf.

[Jóhann Elíasson, 25.9.2008 kl. 09:46]

Ég hef velt því fyrir mér, í ljósi atburða síðustu daga, hvort embætti ríkislögreglustjóra sé ekki háð neinum fjárlögum því ég hef ekki í aðra tíð vitað aðra eins "útþenslu" á nokkurri stofnun og ekki er þessi útþensla án nokkurs sjáanlegs árangurs ókeypis?  

[Sneypir, 25.9.2008 kl. 22:59]

Af hverju er það svo að þeir sem mest og hæst tjá sig um lögreglumál eru þeir sem minnst vit hafa á þeim?

[Hafsteinn Viðar Ásgeirsson, 28.9.2008 kl. 10:16]

?? Sumir eru hér svo sneyptir að þeir eru í felum. En það er nú ástæðulaust að vera eitthvað "down" þó kallin geti ekki beitt lágmarks skynsemi til að skoða bullið í kringum Bangsa og Halla ríkissjóðs t.d.?

Já Ingibjörg, þá var hann ráðherra menntamála og komst upp með að velta öllu málinu á Árna karlinn. Með öllum siðuðum þjóðum hefði Bangsi horfið af sviðinu þá og ekki sést til hans, sem ráðherra allavega, meir.

[Ingibjörg Friðriksdóttir, 30.9.2008 kl. 22:29]

Bíð eftir færslu frá þér, ertu ekki ánægður með Dabba druls?

Mesta bankarán sögunnar og svo framvegis?

[Jóhannes Ragnarsson, 1.10.2008 kl. 19:32]

Subbuskapur síðustu daga hefur gengið svo fram af mér að ég hef ekki einusinni getað bloggað um óþrifnaðinn.

Mest undrar mig þó á að ekki sé búið að fjarlægja títtnefndan Davíð úr Seðlabankanum. Það er óforsvaranlegt að hafa þann mann á fóðrum hjá ríkinu stundinni lengur. 

[Ingibjörg Friðriksdóttir, 1.10.2008 kl. 21:53]

Ég neyðist til að vera innskráð til að kommenta hjá þér og það þykir mér miður. Annars hefði ég lokað helvítis síðunni minni, ég má ekki vera að þessum fjanda.  En ég get ekki sleppt því að kíkja við hjá´þér Ólafsvíkingnum.  Bind miklar vonir við þig og þína líka. Komdu helvítis karlinum fyrir nef Snotru.