Lögreglurannsókn á að hefjast nú þegar

Það má með sanni segja að veislu frjálshyggjufylliraftanna sé búin. Raunar var þessi strórbrotni jörvadansleikur á enda fyrir þó nokkru síðan, en það voru víst fáir sem vildu taka eftir því, allra síst stjórnvöld. Það er ekki fyrr en allt er komið í kalda kol, að ráðamenn loksins rumska úr meðvirknidáinu og taka þá til við að leika Ingjaldsfíflið eins og þeir eigi lífið að leysa. 

Í Silfri Egils í dag voru mættir mikili mektarmenn úr sitt hvorum ríkisstjórnarflokknum. Eftir að hafa hlustað nokkra stund á vaðalinn í Ágústi Ólafi Ágústsyni og Pétri Blöndal gat ég ekki varist þeirri hugsun, að illa væri mínu skattfé varið með því borga þessum vitringum laun. Það er blátt áfram stórkostleg hneysa að alþýða manna sé sett í þá aðstöðu að hafa svona lið á sínu framfæri. Varaformaður Samfylkingarinnar, Ágúst Ólafur, sem fæddist með gullskeiðina í trantinum og aldrei hefur unnið ærlegt handtak á ævi sinni, hafði eins og við var að búast nákvæmlega ekkert til málanna að leggja, utan hvað honum tóks tvisvar eða þrisvar að nefna ESB á nafn, en ESB er eins og kunnugt er hrygglengjan í hókuspókus galdraþulu Samfylkingarinnar og annarra sjálfstæðissölumanna. Pétur Blöndal lagði aftur á móti til, að glæpaverkum frjálshyggjunnar yrði reddað í snarhasti með því að selja Kárhjúkavirkjun og Þjórsársvæðið ásamt fleiri svæðum sem hægt væri að reisa virkjanir! Ja, þvílík endemi. Þvílíkir rugludallar og skítseyði.

En eitt voru fyrrgreindir alþingismenn sammála um, en það var að ekki mætti undir neinum kringumstæðum leita að sökudólgum í sambandi við efnahagshrunið. Og þegar vinur minn Aðalsteinn Baldursson tók undir þvæluna var mér eiginlega öllum lokið. Á það virkilega að viðgangast, að sá fénaður, sem með verkum sínum hefur laga efnahagslíf þjóðarinnar í rúst, eigi að komast upp með að sleppa við að svara til saka fyrir gjörðir sínar? Ég segi NEI og aftu NEI og þvert NEI.

Ég þykist nokkuð viss um, að krafa almennings er á þá leið, að fram fari grafalvarleg lögreglurannsókn á pukursýsli fjárglæframannanna, milljarðakóngana, hin síðustu ár og þeirri lögreglurannsókn verði ekki lokið fyrr allt er komið uppá borðið.  

Veislan búin á Íslandi

Athugasemdir

[Sigríður Hulda Richardsdóttir, 5.10.2008 kl. 17:19]

Ég er sammála þér í því, að það er þörf á gaumgæfilegri rannsókn á þessu öllu saman.

Fyrir utan að rannsaka fjárglæframenn, þarf líka að skoða tengsl þeirra við stjórnmálamenn og forseta lýðræðisins. Þessi rannsókn þarf að framkvæmast af hlutlausum aðilum. Það gengur ekki að þeir rannsaki sjálfan sig.

[Óskar Helgi Helgason (IP-tala skráð) 5.10.2008 kl. 17:19]

Heill og sæll; Jóhannes !

Um leið; og ég þakka þér, þessa verðugu ádrepu, á stjórnarflokkana, vil ég bæta því við, að menn; eins og Ágúst Ólafur og Pétur, fá,, reglulega, sporslur, al sjálfvirkt, úr krumlum Kjararáðs ''til að fylgja eftir almennri launaþróun, í landinu'', það er með eindæmum, hversu þingsetarnir 63, skuli leggjast lágt, að þiggja þessar ''leiðréttingar'' sínar, á sama tíma, og heimilin og fyrirtækin, hvert af öðru, eru að flosna upp, og stara inn í holar augntótftir frjálshyggju kapítalismans, eins og um náttúrulögmál, sé að ræða, ekki mannaverk, af heimsku og steigurlæti ''löggjafanna''.

Með beztu kveðjum, út undir Enni /

Óskar Helgi Helgason  

[Jóhannes Ragnarsson, 5.10.2008 kl. 18:13]

Ég talaði um ,,grafalvarlega lögreglurannsókn." Grafalvarleg lögreglurannsókn fer að sjðálfsögðu ekki fram í þessum efnum undir handleiðslu Björn Bjarnasonar, Haraldar Joh og Jóns HB. Þeir verða væntanlega leystir frá störfum við fyrsta tækifæri.

[Óskar Arnórsson, 6.10.2008 kl. 02:14]

Þegar glæpamenn af þessarri stærðargráðu eru búnir að ná völdum á annað borð, þá sleppa þeir ekki þeim völdum svo auðveldlega.

Pétur Blöndaj sem bjí til Kaupþing úr engu í Húsi Versunarinnar, var með agenta út um allan bæ sem keyptu ávísanir fram í tíman með 10% vöxtum á mánuði.

Síðan þegar beðið var um lán, var það oftasr í formi fasteignatryggðra skuldabréfa og lánaði hann eingöngu þeim sem hann taldi líklegt að hætu EKKI greitt af þessum bréfum.

Pétur Blöndal er með margar fjölskyldur á samviskunni sem leystust hreinlega upp vegna atgangshörku hans. Hann kallaði dóttir sína aumingja fyrir að þykkja styrk frá félagsmálastofnun, frekar enn föður sínum. Hún vissi bara hvernig peningar föður síns voru fengnir, og valdi heiðarlegri kostinn.

Þó ég sé búin að vinna með fanga á Litla-Hrauni í eitt ár, veit ég ekki um neinn sem kemst svo lágt í siðferði og Pétur Blöndal Þingmaður. Og nú eru komnir "viðskiptahákarlar" sem slá hann út mörgum sinnum..