Hvað eru hálaunuðu verkalýðsforstjórarnir að pukrast?

Það var svosem viðbúið, að hinir hálaunuðu verkalýðsforstjórar væru á þeim buxunum að eigendum lífeyrissjóðanna komi lítið við hvað þeir eru að braska með lífeyrinn þeirra. Og fyrst Guðmundur í rafmagninu hefur ekki þá einurð til að bera, að upplýsa hvað bröltið með lífeyrissjóðina hefur að geyma, þá er trúlega fokið í flest skjól. Hin kvikindin munu að sjálfsögðu halda kjafti í lengstu lög og halda áfram að velta sér í hlýjunni af auðvaldinu.

Og meðan ég man: Hvernig ætli tengslum verkalýðsforstjóranna við stjórnvöld, bankaræningjanna og græðgisfíklanna hafi í raun og veru verið háttað á síðustu árum? Að minnsta kosti hafa verkalýðshöfðingjarnir og skrifstofusjakalarnir þeirra ekki verið fram úr hófi gagnrýnir á framgöngu frjálshyggjuaflanna, braskaralýðsins, að undanskildum Ögmundi Jónassyni og hans fólki. 

Verða að fallast á skilyrði sjóðanna

Athugasemdir

[Jóhannes Ragnarsson, 5.10.2008 kl. 18:23]

Launatafla verkalýðsforkólfa:

Gunnar Páll Pálsson VR	1,708,000
Jón S. Valdimarsson Samiðn	1,086,000
Elsa B. Frímanns fél. hjúkrunarfr.	992,000
Helgi Laxdal fél vélstjóra	961,000
Gylfi Arnbjörnsson ASÍ	865,000
Árni Stefán Jónsson SFR	809,000
Sverrir Mar Albertsson AFL	780,000
Grétar Þorsteinsson ASÍ	734,000
Björn Snæbjörnsson IÐJU	645,000
Sigurður Bessason Eflingu	616,000

[Þórdís Bára Hannesdóttir, 5.10.2008 kl. 18:24]

Það er hræðlega hallærisleg staða sem við erum komin í. Við þurfum tilsjónarmenn. Ríkisstjórnin er ekki hæf svo mikið er víst.