Frjálshyggjuhaughús Davíðs, Halldórs, Jóhönnu og Hannesar

Að framlengja kjarasamninga við þessar aðstæður sem nú eru uppi, þýðir á mannamáli, að samið verði um mikla kjaraskerðingu, sem harðast mun bitna á verkafólki. Semsé: að lagður verði frjálshyggjuskattur á launafólk til að mæta einhverjum af þeim búsifjum sem græðgisstóðið hefur valdið. Og því má aldrei gleyma að undir þessa hroðalegu peningageðsjúklinga hafa ríkisstjórnir síðustu 17 ára hlaðið undir sem mest þær hafa mátt og borið á höndum sér. 

Í fréttum RÚV áðað var haft eftir Davíð okkar Oddssyni, að honum þyki í alla staði eðlilegt kvótaætan, Þorsteinn Már Baldvinsson haldi áfram sem stjórnarformaður Glitnis. Er mönnum ekki sjálfrátt? Ekki einu sinni þegar allt er farið til Andskotans? Snýst leikurinn einungis um að bjarga auðvaldshyskinu uppúr haughúsinu sem frjálshyggja Davíðs, Halldórs, Jóhönnu Sigurðardóttur og Hannesar Hólmsteins leiddi það?

Nú er fyrst og fremst byltingar þörf - sósíalískrar byltingar. Allt tal um annað er ósvífinn krypplingsháttur andlegra auðnuleysingja. Og hananú.  

Æskilegt að framlengja kjarasamninga

Athugasemdir

[Skaz, 5.10.2008 kl. 19:58]

Baldur...við erum búin að kjósa þessa menn aftur og aftur í embætti. Virðumst aldrei læra neitt af mistökum okkar. Þeim er alltaf fyrirgefið.

[Vésteinn Valgarðsson, 6.10.2008 kl. 17:10]

Skotnir? Er ekki betra að fyrirgefa þeim, því þeir vita ekki hvað þeir gjöra? Mér finnst nú ekki alveg maklegt að draga Jóhönnu Sigurðardóttur í sama dilk og hina halana, þótt hún sé kannski ekki byltingarsinni frekar en þeir.