Skammt stórra högga á milli

Heldur virðist vera að saxast á limi íslendinga í lyfjaframleiðslu. Í gær lét íslenska valdsstjórnin lögregluna ráðast á afkastamikið lyfjafyrirtæki í Hafnarfirði og loka því. Í dag berast fregnir af því að töflu- og mixtúrufirmað Aktavis sé til sölu.

Þetta er afar hryggilegt því lyfjaframleisla gefur vel í aðra hönd, en það er einmitt það sem íslendingar þurfa mest á að halda í augnablikinu.

Árásin á lyfjaverksmiðjuna í Hafanrfirði í gær var náttúrlega forkastanlegt athæfi. Þar fór vinnstaður sem skapaði miljóna, og aftur miljóna, verðmæti. Og þegar við bætis hugsanlegur útflutningur fyrirtækisins á afurðum sínum, verður málið mun alvarlegra. Eins og á stendur ætti gjaldeyrisskapandi iðnaður að vera friðhelgur að öllu leyti, og það ætti valdsstjórnin og lögreglan að vita. En sumum virðist því miður fyrirmunað að sjá sóma sinn á erfiðum stundum.

Ógæfu Íslands virðist verða allt að vopni þessa dagana.

Segir Actavis hugsanlega til sölu

Athugasemdir

[Guðmundur Ásgeirsson, 17.10.2008 kl. 11:46]

Þetta er ekki aðeins efnahagsmál, heldur líka öryggismál. Þarf ekki frekar að setja neyðarlög til að koma í veg fyrir að heilsufar landsmanna verði háð duttlungum erlendra aðila? Nógu súrt var að missa efnahaginn af svipuðum ástæðum.