Þegar hún var borin í burtu dauð

Þessi ofur sorglega frétt af kveðjustund og brotthvarfi Hreiðars Más úr Kaupþingi í gær minnir mig þægilega á húsganginn góða:

Hún Heiða gamla var að baka brauð,

en brenndi sig og gerði skyssu slíka,

að þegar hún var borin í burtu dauð

var brauðið ónýtt líka.

Hreiðar Már yfirgefur Kaupþing

Athugasemdir

[H G, 22.10.2008 kl. 17:58]

Jóhannes! Ómetanlegir ammrískir húsgangar! - þýddir af Magnúsi Ásgeirssyni -  Var það ekki? ( held ekki Snorra Hjartarsyni)  - veistu hvað bókin heitir?   'Eg orna mér oft við vísurnar sem las og lærði sem unglingur er mamma las prófarkirnar.      Dæmi:  "Sveinn litli gerði Boggu gömlu blinda/ á báðum augum. Strákanganum leiddist / og rak í augu henni hrífutinda. / Þið hefuð átt að sjá hve kerling reiddist!"         Þessi á reyndar við nú líka - því 'þjóðarsálin/kerlingin' ER obbolítð orðin pirruð útí þessa 'srákanga'!  og, td , líka útí stelpukornið  sem seld helling hlutabréfa 'korter fyrir' hrun, vegna innherjafrétta. Heppin hæna þar! 

[Jóhannes Ragnarsson, 22.10.2008 kl. 18:37]

Bókin góða, sem þú ert að tala um, heitir Tumma kukka, söngbók Mímis. En Mímir var (og er ef til villl ennþá) félag stúdenta í íslenskum fræðum. Mér sýnist að Tumma kukka hafi komið fyrst út 1973.

Ekki veit ég hvort Magnús Ásgeirsson þýddi kvæðið um Svein litla og Boggu gömlu  úr amrísku, eða hvort það er al-íslensk ferskeytla. En í Tumma kukku er kvæðið ,,Ameríkubréf" eftir Ruben nokkurn Nilsson, þýtt af Magnúsi Ásgeirssyni.

[H G, 22.10.2008 kl. 18:54]

Æ æ! ég sé ég veit meira um þetta en þú -  Bestu kveðjur - og ábending um að kynnir þér bragfræði ef vilt tala/skrifa um hana.

[Jóhannes Ragnarsson, 22.10.2008 kl. 19:10]

Hvað er það sem þú veist meira? Og hvað áttu við með ,,bragfræði" í þessu sambandi.

Eða ertu máske bara full eða fullur?