Ef Ingibjörg Sólrún væri heiðarleg

Já. - hún getur verið gamansöm manneskja hún Ingibjörg Sólrún þegar sá gállinn er á henni. Í þetta sinn gerir hún sér glaðan dag í Mogganum sínum með því að skensa Davíð vin sinn Oddsson. Og hinn ferðaglaði utanríkisráðherra er ekkert að skafa af því að Davíð vinur hennar hafi skaðað orðspor Íslendinga erlendis. Sjálf er hún öldungis saklaus af slíku.

Ef Ingibjörg Sólrún væri heiðarleg, myndi hún að sjálfsögðu ekki nota Davíð Oddson einan og sér sem þá ljótu Grýlu sem öllu hefur fordjarfað, innanlands og erlendis. Ef hún væri heiðarleg og raunsæ, myndi beina spjótum sínum að Gjeir Haaarde, sem hún kyssti svo innilega á Þingvöllum á fögrum vordegi austur á Þingvöllum fyrir vel stinnu ári síðan, og Sjálfstæðisflokknum, sjálfu últraspillingardýki íslenskrar þjóðarsálar. 

En svo sem fram kemur í viðtalinu við frú Ingibjörgu, unir hún sér afskaplega vel í ríkisstjórn með Gjeir Haaarde og Sjálfstæðisflokknum. Á það ástúðlega ríkisstjórnarsamstarf hefur enginn skuggi fallið, nema skuggi Davíðs í Seðlabankanum. Ef Davíð yrði fjarlægður, myndi formanni Samfylkingarinnar eflaust líða dægilega í forarvilpunni og gjaldþrotinu með Gjeir og Sjálfstæðisflokknum.

Æti sé ekki nauðsynlegt að velta fleirum úr sessi en Davíð Oddssyni? 

Ingibjörg segir Davíð skaða orðsporið