Þá væri nær að styðja Framsókn eða Frjálslynda

Ekki skil ég hvernig nokkrum manni getur dottið í hug að styðja Samfylkinguna, þessi brjóstumkennanlegu samtök skrípalinga og landsöluagenta. Þá væri nær að styðja Framsókn eða Frjálslynda, því þeir flokkar hafa yfir að ráða stórmennum og snillingum eins og Valgerði Sverrisdóttur og Jóni Magnússyni. Svoleiðis fólk stendur að minnsta kosti jafnfætis Ágústi Ólafi og Ástu Ragnheiði hjá Samfylkingunni.

Viðauki I: Samkvæmt ábendingu sem ég fékk og tek mark á, bæti ég félaga Guðna Ágústssyni og Óskari Bergssyni í samkvæmið með Valgerði, Jóni Maggg, Ágústi Ólafi og Ástu Ragnheiði. 

Samfylking með langmest fylgi

Athugasemdir

[Jóhannes Ragnarsson, 1.11.2008 kl. 22:52]

Fyrirgefðu Anna, ég skal bæta Guðana og Sckara á listann.

[Árni Gunnarsson, 1.11.2008 kl. 23:12]

Í það minnsta þrjú nöfn vantar á þennan lista. Jóhanna hefur verið sinni köllun trú og mun alltaf verða. Þórunn Sveinbjarnardóttir á mikinn heiður skilinn fyrir sína einurð í umhverfismálum og hefur sýnt að hún hefur skilið sitt pólitíska hlutverk út í hörgul. Guðjón Arnar og Grétar Mar hafa líka sýnt það á Alþingi að þeir fóru þangað til að sinna pólitísku erindi og hafa aldrei misst sjónar á því þótt við ramman reip sé að draga. Hefði verið hlustað á þá væri úthverfi okkar samfélags í bullandi uppbyggingu og íbúar þeirra öfundsverðir þrátt fyrir stærsta efnahagshrun þjóðarinnar á sögulegun tíma. Eða skipta þessháttar smámunir engu máli þegar horft er með auga Exel forritsins?

Fylgi flokka ætti að byggjast á lausnum á vanda samfélagsins en ekki pólitískum þokka í fjölmiðlum.