Bjarni veldur hræðilegum vonbrigðum

Ég skil ekkert í Bjarna Harðarsyni að segja af sér á stundinni útaf bréfsnuddu sem inniheldur einungis fáein sannleikskorn um Valgerði Sverrisdóttur. Heldur hefði ég viljað sjá Bjarna láta kné fylgja kviði og keyra frjálshyggjukerlinguna frá Lómatjörn vel og vandlega undir ásamt öllum hennar afglöpum og vitleysu sem ekki eru all lítil.

Hefði honum ekki tekist að vinna á hinni varalituðu frjálshyggjuskessu innanflokks, hefði hann sem best getað flutt sig yfir í Frjálslyndaflokkinn og farið að gera það gott á valinkunna rólegheitabæ.

En að segja af sér þingmennsku umhugsunarlaust verður Bjarna Harðar ekki fyrirgefið í bráð, - og kanske ekki í lengd heldur.

Það eina góða við afsögn Bjarna er, að þeim þignmönnum, sem berir eru að þeim axarsköftum og niðurrifsstarfsemi sem nú hefur keyrt efnahagslíf þjóðarinnar í gjörsamlega í klessu, er nánast gert ósætt á þingi á eftir. Þeir verða allir sem einn að fylgja í fótspor Bjarna og hafa sig á brott. Og það munu þeir eflaust gera, nema þeir séu þeim mun spilltari og siðlausari. 

Bjarni segir af sér

Athugasemdir

[Sverrir Einarsson, 11.11.2008 kl. 14:24]

Siðspillingin á þingi minnkar ekkert þó Bjarni hverfi á braut. Eða heldurðu að allir hinir bara standi upp si sonna og segi tja nú er komið að mér. Ég er ekki að sjá fyrir mér að að fyrrv. Kvíabryggjubóndinn sé neitt að standa upp í bráð. Stengrímur J. kann bara að vera á móti (kemur sjaldan með betri ráð í staðinn). Og ekki eru hinir á vetur setjandi, hvað er langt síðan FF hefur minnst á í ræðupúlti á alþingi að afnema kvótann, man ekki til þess, en þeir gapa hátt þegar líða fer að kosningum eins og vanalega en síðan ekki söguna meir.

Nei segi ég út með þetta pakk allt, hvern og einn einasta, og tökum upp persónukosningar hið bráðasta og kjósum okkur ráðherrana í beinni kosningu.

Sjáðu verkalýðshreifinguna alla, hún er gífuryrt fyrir upphaf samninga og rennur svo á rassgatið um leið og sest er að samningaborðinu því það má ekki styggja auðvaldseggina sem stjórna.

Stjórn fífeyrissjóðanna er nefnilega mikið til skipuð tindátum úr stétt atvinnurekenda!!!!!!

Ef svo er ekki þá eru þeir bara dregnir inn í "réttar" stjórnir svo auðveldara sá að tjónka við þá á öðrum vígstöðvum.

Svei þetta skítappakk. ( Og skítalyktin af þeim ilmar jafnvel landa á milli)

[Þórbergur Torfason, 12.11.2008 kl. 01:42]

Jói, þér varð dálítið hált á hérna. Valgerður er ekki, "nema þú vitir betur", rétt feðruð hjá þér.

[Jóhannes Ragnarsson, 12.11.2008 kl. 07:21]

Takk fyrir ábendinguna, Þórbergur. Það var ekki ætlunin að rangfeðra Valgerði Sverrisdóttur. En svona gerst þegar maður er að flýta sér, eins og Bjarni Harðarson þekkir manna best.

Þá vil ég biðja allar Valgerðar sem eru Bjarnadætur innilegrar afsökunar á fljórfærninni. Það stóð ekki til að minni hálfu að koma syndum nöfnu þeirra Sverrisdóttur yfir á þær.