Heimdellingurinn í runnanum

Það er augljóst að maðurinn sem skeit í runnann á Austurvelli í morgum er heimdellingur fyrst hann er góðkunningi lögreglunnar. Það er alkunna að heimdellingar telja sig undantekningarlaust til vina dómsmálaráðherra og þar með eru þeir sjálfkrafa góðkunningjar lögreglunnar. Augljóst og einfalt. Þess utan ber það vott um ómengaða frjálshyggju að ganga örna sinna rétt fyrir framan nefið á Jóni Eirs Sigurðssyni.

Í dag frétti ég af öðrum heimdellingi, sem í frjálshyggjukasti reyndi að skríða innum glugga hjá kvenmanni í austurbænum síðastliðna nótt. Ekki tókst samt betur til en svo, að eiginmaður kvenmannsins tók á móti heimdellingnum um leið og hann datt innum gluggann á klósettinu og veitti honum ráðningu sem ætti að duga heimdellingnum í bráð.

Af kvenkyns heimdellingum er því miður lítið að frétta þessa dagana, utan ein og ein af því taginu hafa sést í slagtogi með aldurhnignum togarasjómönnum, sem lifðu sitt fegursta á síðutogurunum uppúr miðri síðustu öld. 

Gekk örna sinna í runna á Austurvelli

Athugasemdir

[Hörður Einarsson, 30.11.2008 kl. 23:04]

Einhver hefur vondann málstað að verja, reynir eins og aðrir að koma sök á einhvern annann en úr sínum röðum

[Jóhannes Ragnarsson, 30.11.2008 kl. 23:20]

Það getur varla verið slæmur málstaður fyrir frjálshygginn heimdelling að gera stykkin sín innan um trjáhríslur, og það á Austurvelli?

[Níels A. Ársælsson., 1.12.2008 kl. 17:29]

Heimdellingurinn vekur upp minningar um Sviftinginn forðum daga í forlestinni á Tálknfirðingi BA-325, er Stóri-Lúður neitaði honum um klósetferðina !

[Jóhannes Ragnarsson, 1.12.2008 kl. 19:44]

Ég er ekki frá því að Sviftingsskepnan hafi verið heimdellingur forðum daga ofan á alla hina ókostina sem prýddu það apparat. Þó er einn munur á Sviftingingnum og heimdellingnum í runninum, en hann er sá að hinn síðarnefndi leysti onum sig áður en hann losaði, en Sviftingurinn skeit einfaldlega í buxurnar.

En sá gamli góði Stóri-Lúður brást við athæfi Sviftingsins af grjótharðri festu og flæmdi kvikindið eins og mink uppúr lestinni. Á svipaðann hátt á að reka sóðasvín nútímans útúr opinberum stjórnstöðvum.